Arooz is now on the App Store, for iPhone and iPad. Download →

Poetry

Hazaj Musamman Akhrab Makfuf Mahzuf

ہزج مثمن اخرب مکفوف محذوف
Poet
Meter
Clear
  1. iz.hār-e-sadāqat meñ asar kyūñ nahīñ hotāab merī taraf un kā guzar kyūñ nahīñ hotāEhsan Danish (1914–1982)
  2. ra.anā.ī-e-kaunain se be zār hameñ theham the tire jalvoñ ke talab gār hameñ theEhsan Danish (1914–1982)
  3. tum sāda mizājī se miṭe phirte ho jis parvo shaḳhs to duniyā meñ kisī kā bhī nahīñ haiEhsan Danish (1914–1982)
  4. rahtā nahīñ insān to miṭ jātā hai ġham bhīso jā.eñge ik roz zamīñ oṛh ke ham bhīEhsan Danish (1914–1982)
  5. kis kis kī zabāñ rokne jā.ūñ tirī ḳhātirkis kis kī tabāhī meñ tirā hāth nahīñ haiEhsan Danish (1914–1982)
  6. āhaṭ sī koī ā.e to lagtā hai ke tum hosāya koī lahrā.e to lagtā hai ke tum hoJan Nisar Akhtar (1914–1976)
  7. ash.ār mire yūñ to zamāne ke liye haiñkuchh sher faqat un ko sunāne ke liye haiñJan Nisar Akhtar (1914–1976)
  8. so chānd bhī chamkeñge to kyā bāt banegītum ā.e to is rāt kī auqāt banegīJan Nisar Akhtar (1914–1976)
  9. vo log hī har daur meñ mahbūb rahe haiñjo ishq meñ tālib nahīñ matlūb rahe haiñJan Nisar Akhtar (1914–1976)
  10. kab āp kā dar jalva gah ām nahīñ haikab shām-o-sahar daur meñ vāñ jām nahīñ haiTahniyatunnisa Begam Tahniyat (b. 1915)
  11. ham tazkira-e-lutf-o-karam karte raheñgeāsā.ish-e-kaunain baham karte raheñgeTahniyatunnisa Begam Tahniyat (b. 1915)
  12. da.avā to kiyā husn-e-jahāñ soz kā sab neduniyā kā magar rūp baṛhāyā tirī chhab neAhmad Nadeem Qasmi (1916–2006)
  13. sūraj ko nikalnā hai so niklegā dobāraab dekhiye kab ḍūbtā hai sub.h kā tāraAhmad Nadeem Qasmi (1916–2006)
  14. ham din ke payāmī haiñ magar kushta-e-shab haiñis hāl meñ bhī raunaq-e-ālam kā sabab haiñAhmad Nadeem Qasmi (1916–2006)
  15. tasvīr banātā hūñ tirī ḳhūn-e-jigar sedekhā hai tujhe maiñ ne mohabbat kī nazar seShakeel Badayuni (1916–1970)
  16. jo dil pe guzartī hai vo samjhā nahīñ sakteham dekhne vāloñ ko nazar ā nahīñ sakteShakeel Badayuni (1916–1970)
  17. ḳhush hūñ ke mirā husn-e-talab kām to āyāḳhālī hī sahī merī taraf jām to āyāShakeel Badayuni (1916–1970)
  18. pī shauq se vā.iz are kyā bāt hai ḍar kīdozaḳh tire qabze meñ hai jannat tire ghar kīShakeel Badayuni (1916–1970)
  19. sab kuchh mirī qismat kā tere dar ke qarīñ haijīnā bhī yahīñ hai mujhe marnā bhī yahīñ haiYadgar Husain Nashtar Khairabadi (1916–1964)
  20. fariyād nahīñ shukr-e-sitam karte raheñgeham ḳhud unheñ majbūr-e-karam karte raheñgeYadgar Husain Nashtar Khairabadi (1916–1964)
  21. bīmār-e-mohabbat kī davā hai ke nahīñ haimere kisī pahlū meñ qazā hai ke nahīñ haiKaif Bhopali (1917–1991)
  22. kahne ko to kyā kyā na dil-e-zār meñ ā.ehar bāt kahāñ qālib-e-iz.hār meñ ā.eJafar Tahir (1917–1977)
  23. jalva tirā is tarah se nākām na hotāham tūr pe hote to ye anjām na hotāJagan Nath Azad (1918–2004)
  24. yūñ ik sabaq-e-mehr-o-vafā chhoṛ ga.e hamhar rāh meñ naqsh-e-kaf pā chhoṛ ga.e hamJagan Nath Azad (1918–2004)
  25. āzād! zarā dekh to ye ālam arzhangmausam ke ye andāz bahāroñ ke ye nairangJagan Nath Azad (1918–2004)
  26. is daur meñ taufīq anā dī ga.ī mujh kokis jurm kī āḳhir ye sazā dī ga.ī mujh koQateel Shifai (1919–2001)
  27. andesha-e-arbāb-e-haram sāth rahegājannat bhī milegī to ye ġham sāth rahegāQateel Shifai (1919–2001)
  28. ai dost! tirī ānkh jo nam hai to mujhe kyāmaiñ ḳhūb hañsūñgā tujhe ġham hai to mujhe kyāQateel Shifai (1919–2001)
  29. jo bīt ga.ī us kī ḳhabar hai ke nahīñ haidekho mire tan par mirā sar hai ke nahīñ haiQateel Shifai (1919–2001)
  30. hālāt ke qadmoñ pe qalandar nahīñ girtāṭūṭe bhī jo tārā to zamīñ par nahīñ girtāQateel Shifai (1919–2001)
  31. sharminda unheñ aur bhī ai mere ḳhudā kardastār jinheñ dī hai unheñ sar bhī atā karQateel Shifai (1919–2001)
  32. kyā us kā gilā kīje use pyār hī kab thāvo ahd-e-farāmosh vafādār hī kab thāQateel Shifai (1919–2001)
  33. vo shaḳhs ke maiñ jis se mohabbat nahīñ kartāhañstā hai mujhe dekh ke nafrat nahīñ kartāQateel Shifai (1919–2001)
  34. yāro kisī qātil se kabhī pyār na māñgoapne hī gale ke liye talvār na māñgoQateel Shifai (1919–2001)
  35. rahne ko sadā dahr meñ ātā nahīñ koītum jaise ga.e aise bhī jātā nahīñ koīKaifi Azmi (1919–2002)
  36. ḳhanjar kī tarah bū-e-saman tez bahut haimausam kī havā ab ke junūñ ḳhez bahut haiMajrooh Sultanpuri (1919–2000)
  37. go rāt mirī sub.h kī mahram to nahīñ haisūraj se tirā rang-e-hinā kam to nahīñ haiMajrooh Sultanpuri (1919–2000)
  38. mānā ke tirī bazm meñ chānd ā.e hue haiñlekin vo tire sāmne gahnā.e hue haiñRaaz Layalpuri (b. 1920)
  39. kuchh log jo naḳhvat se mujhe ghūr rahe haiñmāhaul se shāyad ye bahut dūr rahe haiñYawar Abbas (b. 1920)
  40. barbād mohabbat kī duā sāth liye jāṭūṭā huā iqrār-e-vafā sāth liye jāSahir Ludhianvi (1921–1980)
  41. har chand mirī quvvat-e-guftār hai mahbūsḳhāmosh magar tab-e-ḳhud ārā nahīñ hotīSahir Ludhianvi (1921–1980)
  42. har tarah ke jazbāt kā elān haiñ ānkheñshabnam kabhī shola kabhī tūfān haiñ ānkheñSahir Ludhianvi (1921–1980)
  43. ye zulf agar khul ke bikhar jā.e to achchhāis rāt kī taqdīr sañvar jā.e to achchhāSahir Ludhianvi (1921–1980)
  44. tū hindū banegā na musalmān banegāinsān kī aulād hai insān banegāSahir Ludhianvi (1921–1980)
  45. tum mere liye ab koī ilzām na ḍhūñḍochāhā thā tumheñ ik yahī ilzām bahut haiSahir Ludhianvi (1921–1980)
  46. ham ġham zada haiñ lā.eñ kahāñ se ḳhushī ke gītdeñge vahī jo pā.eñge is zindagī se hamSahir Ludhianvi (1921–1980)
  47. mānā ke maiñ ik naġhma-e-be saut-o-sadā hūñbhaṭke hue logoñ ke liye bāng-e-darā hūñKaleem Saronji (b. 1921)
  48. ab khul ke kaho bāt to kuchh bāt banegīye daur ishārāt-o-kanāyāt nahīñ haiHafeez Merathi (1922–2000)
  49. be qasd safar jāte haiñ ma.alūm nahīñ kyūñphir ḳhud hī ṭhahar jāte haiñ ma.alūm nahīñ kyūñLais Quraishi (b. 1922)
  50. jo bāt rahe dil meñ vahī bāt baṛī haiulfat kā taqāzā bhī yahī kam suḳhanī haiBaldev singh Hamdam (b. 1922)