ہم تذکرۂ لطف و کرم کرتے رہیں گے

ہم تذکرۂ لطف و کرم کرتے رہیں گے

آسائش کونین بہم کرتے رہیں گے

یہ گنج سعادت کبھی خالی ہی نہ ہوگا

سب آپ کے الطاف رقم کرتے رہیں گے

لوٹے جو مدینہ سے تو پچھتاتے ہیں اب تک

کب تک نہیں معلوم یہ غم کرتے رہیں گے

جائیں گے وہیں چھوڑ کے سب روضۂ رضواں

یثرب کو جو وہ رشک ارم کرتے رہیں گے

دیکھیں گے کبھی تہنیتؔ اپنی بھی طرف وہ

اشکوں سے جو ہم آنکھوں کو نم کرتے رہیں گے

ham tazkira-e-lutf-o-karam karte rahenge

asaish-e-kaunain baham karte rahenge

ye ganj-e-saadat kabhi khali hi na hoga

sab ap ke altaf raqam karte rahenge

laute jo madina se to pachhtate hain ab tak

kab tak nahin maalum ye gham karte rahenge

jaenge wahin chhor ke sab rauza-e-rizwan

yasrab ko jo wo rashk-e-iram karte rahenge

dekhenge kabhi tahniyat apni bhi taraf wo

ashkon se jo ham ankhon ko nam karte rahenge