فریاد نہیں شکر ستم کرتے رہیں گے

فریاد نہیں شکر ستم کرتے رہیں گے

ہم خود انہیں مجبور کرم کرتے رہیں گے

کعبے کو شکایت ہے تو ہو اپنے خدا سے

سجدے تو در یار پہ ہم کرتے رہیں گے

دنیا کو سنانے کے لئے شعر کی صورت

جو ہم پہ گزرتی ہے رقم کرتے رہیں گے

مے خانہ سلامت رہے ہم دور سے نشترؔ

نظارگیٔ دیر و حرم کرتے رہیں گے

fariyad nahin shukr-e-sitam karte rahenge

ham khud unhen majbur-e-karam karte rahenge

kaabe ko shikayat hai to ho apne khuda se

sajde to dar-e-yar pe ham karte rahenge

duniya ko sunane ke liye sher ki surat

jo ham pe guzarti hai raqam karte rahenge

mai khana salamat rahe ham dur se nashtar

nazaragi-e-dair-o-haram karte rahenge