تو ہندو بنے گا نہ مسلمان بنے گا

تو ہندو بنے گا نہ مسلمان بنے گا

انسان کی اولاد ہے انسان بنے گا

اچھا ہے ابھی تک تیرا کچھ نام نہیں ہے

تجھ کو کسی مذہب سے کوئی کام نہیں ہے

جس علم نے انسانوں کو تقسیم کیا ہے

اس علم کا تجھ پر کوئی الزام نہیں ہے

تو بدلے ہوئے وقت کی پہچان بنے گا

انسان کی اولاد ہے انسان بنے گا

مالک نے ہر انسان کو انسان بنایا

ہم نے اسے ہندو یا مسلمان بنایا

قدرت نے تو بخشی تھی ہمیں ایک ہی دھرتی

ہم نے کہیں بھارت کہیں ایران بنایا

جو توڑ دے ہر بند وہ طوفان بنے گا

انسان کی اولاد ہے انسان بنے گا

نفرت جو سکھائے وہ دھرم تیرا نہیں ہے

انساں کو جو روندے وہ قدم تیرا نہیں ہے

قرآن نہ ہو جس میں وہ مندر نہیں تیرا

گیتا نہ ہو جس میں وہ حرم تیرا نہیں ہے

تو امن کا اور صلح کا ارمان بنے گا

انسان کی اولاد ہے انسان بنے گا

tu hindu banega na musalman banega

insan ki aulad hai insan banega

achchha hai abhi tak tera kuchh nam nahin hai

tujh ko kisi mazhab se koi kam nahin hai

jis ilm ne insanon ko taqsim kiya hai

is ilm ka tujh par koi ilzam nahin hai

tu badle hue waqt ki pahchan banega

insan ki aulad hai insan banega

malik ne har insan ko insan banaya

ham ne use hindu ya musalman banaya

qudrat ne to bakhshi thi hamen ek hi dharti

ham ne kahin bharat kahin iyaran banaya

jo tor de har band wo tufan banega

insan ki aulad hai insan banega

nafrat jo sikhae wo dharm tera nahin hai

insan ko jo ronide wo qadam tera nahin hai

quran na ho jis mein wo mandir nahin tera

gita na ho jis mein wo haram tera nahin hai

tu amn ka aur sulh ka arman banega

insan ki aulad hai insan banega