یوں اک سبق مہر و وفا چھوڑ گئے ہم

یوں اک سبق مہر و وفا چھوڑ گئے ہم

ہر راہ میں نقش کف پا چھوڑ گئے ہم

دنیا ترے قرطاس پہ کیا چھوڑ گئے ہم

اک حسن بیاں حسن ادا چھوڑ گئے ہم

ماحول کی ظلمات میں جس راہ سے گزرے

قندیل محبت کی ضیا چھوڑ گئے ہم

بیگانہ رہے درد محبت کی دوا سے

یہ درد ہی کچھ اور سوا چھوڑ گئے ہم

تھی سامنے آلائش دنیا کی بھی اک راہ

وہ خوبی قسمت سے ذرا چھوڑ گئے ہم

اک حسن دکن تھا کہ نگاہوں سے نہ چھوٹا

ہر حسن کو ورنہ بخدا چھوڑ گئے ہم

yun ik sabaq-e-mehr-o-wafa chhor gae ham

har rah mein naqsh-e-kaf pa chhor gae ham

duniya tire qirtas pe kya chhor gae ham

ik husn-e-bayan husn-e-ada chhor gae ham

mahaul ki zulmat mein jis rah se guzre

qindil mohabbat ki ziya chhor gae ham

begana rahe dard-e-mohabbat ki dawa se

ye dard hi kuchh aur siwa chhor gae ham

thi samne alaish duniya ki bhi ik rah

wo khubi qismat se zara chhor gae ham

ik husn dakan tha ke nigahon se na chhota

har husn ko warna bakhuda chhor gae ham