ہر چند مری قوت گفتار ہے محبوس

ہر چند مری قوت گفتار ہے محبوس

خاموش مگر طبع خود آرا نہیں ہوتی

معمورۂ احساس میں ہے حشر سا برپا

انسان کی تذلیل گوارا نہیں ہوتی

نالاں ہوں میں بیداریٔ احساس کے ہاتھوں

دنیا مرے افکار کی دنیا نہیں ہوتی

بیگانہ صفت جادۂ منزل سے گزر جا

ہر چیز سزاوار نظارہ نہیں ہوتی

فطرت کی مشیت بھی بڑی چیز ہے لیکن

فطرت کبھی بے بس کا سہارا نہیں ہوتی

har chand miri quwwat-e-guftar hai mahbus

khamosh magar tab-e-khud ara nahin hoti

mamura-e-ehsas mein hai hashr sa barpa

insan ki tazlil gawara nahin hoti

nalan hun main bedari-e-ehsas ke hathon

duniya mire afkar ki duniya nahin hoti

begana sifat jada-e-manzil se guzar ja

har chiz sazawar-e-nazara nahin hoti

fitrat ki mashiyyat bhi bari chiz hai lekin

fitrat kabhi be bas ka sahara nahin hoti