ہر طرح کے جذبات کا اعلان ہیں آنکھیں

ہر طرح کے جذبات کا اعلان ہیں آنکھیں

شبنم کبھی شعلہ کبھی طوفان ہیں آنکھیں

آنکھوں سے بڑی کوئی ترازو نہیں ہوتی

تلتا ہے بشر جس میں وہ میزان ہیں آنکھیں

آنکھیں ہی ملاتی ہیں زمانے میں دلوں کو

انجان ہیں ہم تم اگر انجان ہیں آنکھیں

لب کچھ بھی کہیں اس سے حقیقت نہیں کھلتی

انسان کے سچ جھوٹ کی پہچان ہیں آنکھیں

آنکھیں نہ جھکیں تیری کسی غیر کے آگے

دنیا میں بڑی چیز مری جان! ہیں آنکھیں

har tarah ke jazbat ka elan hain ankhen

shabnam kabhi shola kabhi tufan hain ankhen

ankhon se bari koi tarazu nahin hoti

talta hai bashar jis mein wo mizan hain ankhen

ankhen hi milati hain zamane mein dilon ko

anjan hain ham tum agar anjan hain ankhen

lab kuchh bhi kahin us se haqiqat nahin khulti

insan ke sach jhut ki pahchan hain ankhen

ankhen na jhuken teri kisi ghair ke age

duniya mein bari chiz miri jan! hain ankhen