جو دل پہ گزرتی ہے وہ سمجھا نہیں سکتے

جو دل پہ گزرتی ہے وہ سمجھا نہیں سکتے

ہم دیکھنے والوں کو نظر آ نہیں سکتے

بے قید و رسوم آئی ہیں گلشن میں بہاریں

اب ہاتھ گریباں کی طرف جا نہیں سکتے

رنگینئ مستقبل روشن ہے نظر میں

ہم تلخی ماحول سے گھبرا نہیں سکتے

مغرور نہ ہو فضل خزاں آ کے چمن میں

ایسے بھی ہیں کچھ پھول جو مرجھا نہیں سکتے

مانا وہ مجھے اپنی نگاہوں سے گرا دیں

لیکن مرے احساس کو ٹھکرا نہیں سکتے

ارباب خرد لاکھ سبک گام ہوں لیکن

بے فیض جنوں راہ طلب پا نہیں سکتے

مانا کہ ترے لطف و کرم خواب ہیں لیکن

ہر شخص کو یہ خواب نظر آ نہیں سکتے

تفسیر دو‌ عالم ہے شکیلؔ اپنا تغزل

میدان غزل چھوڑ کے ہم جا نہیں سکتے

jo dil pe guzarti hai wo samjha nahin sakte

ham dekhne walon ko nazar a nahin sakte

be qaid-o-rusum ai hain gulshan mein baharen

ab hath gareban ki taraf ja nahin sakte

rangini-e-mustaqbil raushan hai nazar mein

ham talkhi mahaul se ghabra nahin sakte

maghrur na ho fazl-e-khizan a ke chaman mein

aise bhi hain kuchh phul jo murjha nahin sakte

mana wo mujhe apni nigahon se gira den

lekin mire ehsas ko thukra nahin sakte

arbab-e-khirad lakh subuk gam hun lekin

be faiz junun rah-e-talab pa nahin sakte

mana ke tire lutf-o-karam khwab hain lekin

har shakhs ko ye khwab nazar a nahin sakte

tafsir do alam hai shakil apna taghazzul

maidan-e-ghazal chhor ke ham ja nahin sakte