یارو کسی قاتل سے کبھی پیار نہ مانگو

یارو کسی قاتل سے کبھی پیار نہ مانگو

اپنے ہی گلے کے لیے تلوار نہ مانگو

گر جاؤ گے تم اپنے مسیحا کی نظر سے

مر کر بھی علاج دل بیمار نہ مانگو

کھل جائے گا اس طرح نگاہوں کا بھرم بھی

کانٹوں سے کبھی پھول کی مہکار نہ مانگو

سچ بات پہ ملتا ہے سدا زہر کا پیالہ

جینا ہے تو پھر جینے کا اظہار نہ مانگو

اس چیز کا کیا ذکر جو ممکن ہی نہیں ہے

صحرا میں کبھی سایۂ دیوار نہ مانگو

yaro kisi qatil se kabhi pyar na mango

apne hi gale ke liye talwar na mango

gar jaoge tum apne masiha ki nazar se

mar kar bhi ilaj-e-dil bimar na mango

khul jaega is tarah nigahon ka bharam bhi

kanton se kabhi phul ki mahkar na mango

sach bat pe milta hai sada zahr ka pyala

jina hai to phir jine ka izhar na mango

is chiz ka kya zikr jo mumkin hi nahin hai

sahra mein kabhi saya-e-diwar na mango