مانا کہ تری بزم میں چاند آئے ہوئے ہیں

مانا کہ تری بزم میں چاند آئے ہوئے ہیں

لیکن وہ ترے سامنے گہنائے ہوئے ہیں

جو ہم سے نہ ملنے کی قسم کھائے ہوئے ہیں

شاید وہی اغیار کے بہکائے ہوئے ہیں

مہتاب کے حالات بھی دیکھیں تو کبھی وہ

اس حسن دو روزہ پہ جو اترائے ہوئے ہیں

کہہ دو انہیں آ کر مری جنت میں وہ بس جائیں

جنت سے نکالے ہوئے جو آئے ہوئے ہیں

آئے گی نظر رازؔ کوئی کل بھی نہ سیدھی

سر تا بہ قدم آج وہ بل کھائے ہوئے ہیں

mana ke tiri bazm mein chand ae hue hain

lekin wo tire samne gahnae hue hain

jo ham se na milne ki qasam khae hue hain

shayad wahi aghyar ke bahkae hue hain

mahtab ke halat bhi dekhen to kabhi wo

us husn do roza pe jo itrae hue hain

kah do unhen a kar miri jannat mein wo bas jaen

jannat se nikale hue jo ae hue hain

aegi nazar raz koi kal bhi na sidhi

sar ta ba qadam aj wo bal khae hue hain