دعویٰ تو کیا حسن جہاں سوز کا سب نے

دعویٰ تو کیا حسن جہاں سوز کا سب نے

دنیا کا مگر روپ بڑھایا تری چھب نے

تو نیند میں بھی میری طرف دیکھ رہا تھا

سونے نہ دیا مجھ کو سیہ چشمئ شب نے

ہر زخم پہ دیکھی ہیں ترے پیار کی مہریں

یہ گل بھی کھلائے ہیں تیری سرخی لب نے

خوشبوئے بدن آئی ہے پھر موج صبا سے

پھر کس کو پکارا ہے ترے شہر طرب نے

درکار ہے مجھ کو تو فقط اذن تبسم

پتھر سے اگر پھول اگائے مرے رب نے

وہ حسن ہے انسان کی معراج تصور

جس حسن کو پوجا ہے مرے شعر و ادب نے

daawa to kiya husn-e-jahan soz ka sab ne

duniya ka magar rup barhaya tiri chhab ne

tu nind mein bhi meri taraf dekh raha tha

sone na diya mujh ko siyah chashmi-e-shab ne

har zakhm pe dekhi hain tire pyar ki mehren

ye gul bhi khilae hain teri surkhi lab ne

khushbu-e-badan ai hai phir mauj-e-saba se

phir kis ko pukara hai tire shahr-e-tarab ne

darkar hai mujh ko to faqat izn-e-tabassum

patthar se agar phul ugae mire rab ne

wo husn hai insan ki meraj-e-tasawwur

jis husn ko puja hai mire sher-o-adab ne