ہم دن کے پیامی ہیں مگر کشتۂ شب ہیں

ہم دن کے پیامی ہیں مگر کشتۂ شب ہیں

اس حال میں بھی رونق عالم کا سبب ہیں

ظاہر میں ہم انسان ہیں مٹی کے کھلونے

باطن میں مگر تند عناصر کا غضب ہیں

ہیں حلقۂ زنجیر کا ہم خندۂ جاوید

زنداں میں بسائے ہوئے اک شہر طرب ہیں

چٹکی ہوئی یہ حسن گریزاں کی کلی ہے

یا شدت جذبات سے کھلتے ہوئے لب ہیں

آغوش میں مہکوگے دکھائی نہیں دوگے

تم نکہت گلزار ہو ہم پردۂ شب ہیں

ham din ke payami hain magar kushta-e-shab hain

is hal mein bhi raunaq-e-alam ka sabab hain

zahir mein ham insan hain mitti ke khilaune

batin mein magar tund anasir ka ghazab hain

hain halqa-e-zanjir ka ham khanda-e-jawed

zindan mein basae hue ik shahr-e-tarab hain

chutki hui ye husn-e-gurezan ki kali hai

ya shiddat-e-jazbat se khulte hue lab hain

aghosh mein mahkoge dikhai nahin doge

tum nikhat-e-gulzar ho ham parda-e-shab hain