اندیشۂ ارباب حرم ساتھ رہے گا

اندیشۂ ارباب حرم ساتھ رہے گا

جنت بھی ملے گی تو یہ غم ساتھ رہے گا

پیاسے ہی گزر جائیں گے ہم راہ طلب سے

عبرت کے لئے ساغر جم ساتھ رہے گا

منزل سے پلٹ آئے گی ایک ایک تجلی

ہاں شعلۂ رخسار صنم ساتھ رہے گا

تو اور نہ آئے در زندان وفا تک

مر کر بھی یہ غم تیری قسم ساتھ رہے گا

افلاک سے پلکوں پہ اتر آئیں گے تارے

کھل کر بھی شب غم کا بھرم ساتھ رہے گا

مے خانہ بہت دور نہیں دیدۂ نم سے

آ گردش دوراں کوئی دم ساتھ رہے گا

راہوں میں قتیلؔ آئیں گے سو آئنہ خانے

لیکن مرا گل پوش قلم ساتھ رہے گا

andesha-e-arbab-e-haram sath rahega

jannat bhi milegi to ye gham sath rahega

pyase hi guzar jaenge ham rah-e-talab se

ibrat ke liye saghar-e-jam sath rahega

manzil se palat aegi ek ek tajalli

han shola-e-rukhsar sanam sath rahega

tu aur na ae dar zindan-e-wafa tak

mar kar bhi ye gham teri qasam sath rahega

aflak se palkon pe utar aenge tare

khul kar bhi shab-e-gham ka bharam sath rahega

mai khana bahut dur nahin dida-e-nam se

a gardish-e-dauran koi dam sath rahega

rahon mein qatil aenge so aina khane

lekin mira gul posh qalam sath rahega