رہنے کو سدا دہر میں آتا نہیں کوئی

رہنے کو سدا دہر میں آتا نہیں کوئی

تم جیسے گئے ایسے بھی جاتا نہیں کوئی

ڈرتا ہوں کہیں خشک نہ ہو جائے سمندر

راکھ اپنی کبھی آپ بہاتا نہیں کوئی

اک بار تو خود موت بھی گھبرا گئی ہوگی

یوں موت کو سینے سے لگاتا نہیں کوئی

مانا کہ اجالوں نے تمہیں داغ دئے تھے

بے رات ڈھلے شمع بجھاتا نہیں کوئی

ساقی سے گلا تھا تمہیں مے خانے سے شکوہ

اب زہر سے بھی پیاس بجھاتا نہیں کوئی

ہر صبح ہلا دیتا تھا زنجیر زمانہ

کیوں آج دوانے کو جگاتا نہیں کوئی

ارتھی تو اٹھا لیتے ہیں سب اشک بہا کے

ناز دل بیتاب اٹھاتا نہیں کوئی

rahne ko sada dahr mein ata nahin koi

tum jaise gae aise bhi jata nahin koi

darta hun kahin khushk na ho jae samundar

rakh apni kabhi ap bahata nahin koi

ik bar to khud maut bhi ghabra gai hogi

yun maut ko sine se lagata nahin koi

mana ke ujalon ne tumhen dagh diye the

be rat dhale shama bujhata nahin koi

saqi se gila tha tumhen mai khane se shikwa

ab zahr se bhi pyas bujhata nahin koi

har subh hila deta tha zanjir zamana

kyun aj diwane ko jagata nahin koi

arthi to utha lete hain sab ashk baha ke

naz-e-dil betab uthata nahin koi