برباد محبت کی دعا ساتھ لیے جا

برباد محبت کی دعا ساتھ لیے جا

ٹوٹا ہوا اقرار وفا ساتھ لیے جا

اک دل تھا جو پہلے ہی تجھے سونپ دیا تھا

یہ جان بھی اے جان ادا ساتھ لیے جا

تپتی ہوئی راہوں سے تجھے آنچ نہ پہنچے

دیوانوں کے اشکوں کی گھٹا ساتھ لیے جا

شامل ہے مرا خون جگر تیری حنا میں

یہ کم ہو تو اب خون وفا ساتھ لیے جا

ہم جرم محبت کی سزا پائیں گے تنہا

جو تجھ سے ہوئی ہو وہ خطا ساتھ لیے جا

barbad mohabbat ki dua sath liye ja

tuta hua iqrar-e-wafa sath liye ja

ik dil tha jo pahle hi tujhe saunp diya tha

ye jan bhi ai jan-e-ada sath liye ja

tapti hui rahon se tujhe anch na pahunche

diwanon ke ashkon ki ghata sath liye ja

shamil hai mira khun-e-jigar teri hina mein

ye kam ho to ab khun-e-wafa sath liye ja

ham jurm mohabbat ki saza paenge tanha

jo tujh se hui ho wo khata sath liye ja