سو چاند بھی چمکیں گے تو کیا بات بنے گی — جاں نثار اختر (Jan Nisar Akhtar)

سو چاند بھی چمکیں گے تو کیا بات بنے گی

تم آئے تو اس رات کی اوقات بنے گی

ان سے یہی کہہ آئیں کہ اب ہم نہ ملیں گے

آخر کوئی تقریب ملاقات بنے گی

اے ناوک غم دل میں ہے اک بوند لہو کی

کچھ اور تو کیا ہم سے مدارات بنے گی

یہ ہم سے نہ ہوگا کہ کسی ایک کو چاہیں

اے عشق ہماری نہ ترے سات بنے گی

یہ کیا ہے کہ بڑھتے چلو بڑھتے چلو آگے

جب بیٹھ کے سوچیں گے تو کچھ بات بنے گی