Arooz is now on the App Store, for iPhone and iPad. Download →

Poetry

Bahr-e Zamzama Mutadarik Musaddas Muza'af

بحرِ زمزمہ/ متدارک مسدس مضاعف
Poet
Meter
Clear
  1. āshiq kī bhī kaṭṭī haiñ kyā ḳhūb tarah rāteñdo chār ghaṛī ronā do chār ghaṛī bāteñMirza Rafi Sauda (1713–1781)
  2. ab zof se ḍhahattā hai betābī shitābī kīis dil ke taṛapne ne kyā ḳhāna ḳharābī kīMir Taqi Mir (1723–1810)
  3. ab mīr jī to achchhe zindīq hī ban baiṭhepeshānī pe de qashqa zunnār pahan baiṭheMir Taqi Mir (1723–1810)
  4. ai dost koī mujh sā rusvā na huā hogādushman ke bhī dushman par aisā na huā hogāMir Taqi Mir (1723–1810)
  5. phir us se tarah kuchh jo da.ave kī sī ḍālī haikyā tāza koī gul ne ab shāḳh nikālī haiMir Taqi Mir (1723–1810)
  6. duzdīda nigah karnā phir ānkh milānā bhīis lauṭṭe dāman ko pās ā ke uṭhānā bhīMir Taqi Mir (1723–1810)
  7. kal mīr ne kyā kyā kī mai ke liye betābīāḳhir ko giro rakhā sajjāda-e-mehrābīMir Taqi Mir (1723–1810)
  8. kahte haiñ bahār ā.ī gul phūl nikalte haiñham kunj-e-qafas meñ haiñ dil sīnoñ meñ jalte haiñMir Taqi Mir (1723–1810)
  9. lazzat se nahīñ ḳhālī jānoñ kā khapā jānākab ḳhizr-o-masīhā ne marne kā maza jānāMir Taqi Mir (1723–1810)
  10. mar rahte jo gul ban to sārā ye ḳhalal jātāniklā hī na jī varna kānṭā sā nikal jātāMir Taqi Mir (1723–1810)
  11. īmān ye kaisā thā kaisī ye musalmānīkī āl-e-payambar se jo dushmanī jānīMir Taqi Mir (1723–1810)
  12. haidar kā jigar pāra vo fātima kā pyārāniklā thā madīne se nāmūs liye sārāMir Taqi Mir (1723–1810)
  13. ne fiqh na mantiq ne hikmat kā risāla haiis fan mohabbat kā nusḳha hī nirālā haiMir Hasan (1727–1786)
  14. āġhosh-e-tasavvur meñ jab maiñ ne use maskālab hā-e-mubārak se ik shor thā "bas bas" kāNazeer Akbarabadi (1735–1830)
  15. chitvan meñ sharārat hai aur sain bhī chanchal haikāfir tirī nazroñ meñ kuchh aur hī chhal bal haiNazeer Akbarabadi (1735–1830)
  16. hai ab to ye dhun us se maiñ ānkh laṛā lūñgāaur chūm ke muñh us kā sīne se lagā lūñgāNazeer Akbarabadi (1735–1830)
  17. is gosha-e-uzlat meñ tanhā.ī hai aur maiñ hūñma.ashūq tasavvur se yakjā.ī hai aur maiñ hūñMushafi Ghulam Hamdani (1751–1824)
  18. mushtāq hī dil barsoñ is ġhuncha dahan kā thāyāro mire aur us ke kab rabt suḳhan kā thāMushafi Ghulam Hamdani (1751–1824)
  19. ne but hai na sajda hai ne bāda na mastī haiyāñ sher parastī hai yā husn parastī haiMushafi Ghulam Hamdani (1751–1824)
  20. har roz hameñ ghar se sahrā ko nikal jānākhetoñ kā maza lenā jangal ko nikal jānāMushafi Ghulam Hamdani (1751–1824)
  21. shab ḳhvāb meñ dekhā thā majnūñ ko kahīñ apnedil se jo karāh uṭhī lailā ko liyā tap neInsha Allah Khan Insha (1752–1817)
  22. jātā hai mire ghar se dil dār ḳhudā hāfizhai zindagī ab mushkil be yār ḳhudā hāfizMir Mohammadi Bedar (d. 1786)
  23. mat pūchh to jāne de ahvāl ko furqat kejis taur kaṭe kāṭe ayyām musībat keMir Mohammadi Bedar (d. 1786)
  24. alfāz-o-ma.ānī kī karvaṭ jo badalte haiñpahlū mire matlab ke pahlū se nikalte haiñNaseem Dehlvi (1794–1864)
  25. jūñ nik.hat gul jumbish hai jī kā nikal jānāai bād-e-sabā merī karvaṭ to badal jānāMomin Khan Momin (1800–1852)
  26. ham zād hai ġham apnā shādāñ kise kahte haiñvāqif nahīñ ishrat kā sāmāñ kise kahte haiñImdad Ali Bahr (1810–1878)
  27. duniyā se alag ham ne maiḳhāne kā dar dekhāmaiḳhāne kā dar dekhā allāh kā ghar dekhāRiyaz Khairabadi (1853–1934)
  28. us but kī mohabbat meñ āḳhir yahī karnā thāapne se guzarnā thā sau jān se marnā thāMaharaja Sir Kishan Parashad Shad (1864–1940)
  29. majnūñ kā jo ai lailā jotā na phaṭā hotāpīchhe tire nāqa ke kyūñ barhana pā hotāZarif Lakhnavi (1870–1937)
  30. har sāns hai ik naġhma har naġhma hai mastānakis darja dikhe dil kā rangīn hai afsānaArzoo Lakhnavi (1873–1951)
  31. ham āshiq fāsiq the ham sūfī sāfī haiñpī leñ jo kahīñ ab bhī dar ḳhūrd muāfī haiñHasrat Mohani (1875–1951)
  32. hai mashq-e-suḳhan jārī chukī kī mashaqqat bhīik turfa tamāshā hai hasrat kī tabī.at bhīHasrat Mohani (1875–1951)
  33. shādī-o-alam sab se hāsil hai subukdoshīso hosh mire sadqe tujh par mirī be hoshīBedam Warsi (1876–1936)
  34. khīñchī hai tasavvur meñ tasvīr ham āġhoshīab hosh na āne de mujh ko mirī be hoshīBedam Warsi (1876–1936)
  35. yūñ gulshan hastī kī mālī ne banā ḍālīphūloñ se judā kaliyāñ kaliyoñ se judā ḍālīBedam Warsi (1876–1936)
  36. انسانAllama Iqbal (1877–1938)
  37. jab ishq sikhātā hai ādāb-e-ḳhud āgāhīkhulte haiñ ġhulāmoñ pur asrār shahanshāhīAllama Iqbal (1877–1938)
  38. yūñ hāth nahīñ ātā vo gauhar-e-yak dānayak rangī-o-āzādī ai himmat-e-mardāna!Allama Iqbal (1877–1938)
  39. فقرAllama Iqbal (1877–1938)
  40. lā denī-o-lātīnī, kis pech meñ uljhā tūdaro hai za.īfoñ kā 'lāġhāliba illa hū'Allama Iqbal (1877–1938)
  41. be jurat-e-rindāna har ishq hai rūbāhībāzū hai qavī jis kā, vo ishq-e-yadulllāhīAllama Iqbal (1877–1938)
  42. jin ḳhāk ke zarroñ par vo sāya-e-mahmil thājo ḳhāk kā zarra thā vahshat kada-e-dil thāFani Badayuni (1879–1941)
  43. mohtāj-e-ajal kyūñ hai ḳhud apnī qazā ho jāġhairat ho to marne se pahle hī fanā ho jāFani Badayuni (1879–1941)
  44. duniyā merī balā jāne mahngī hai yā sastī haimaut mile to muft na lūñ hastī kī kyā hastī haiFani Badayuni (1879–1941)
  45. jab tak ġham ulfat kā unsar na milā hogāinsān ke pahlū meñ dil ban na sakā hogāSeemab Akbarabadi (1882–1951)
  46. ye ishq ne dekhā hai ye aql se pinhāñ haiqatra meñ samundar hai zarra meñ bayābāñ haiAsghar Gondvi (1884–1936)
  47. jo naqsh hai hastī kā dhokā nazar ātā haiparde pe musavvir hī tanhā nazar ātā haiAsghar Gondvi (1884–1936)
  48. is ishq ke hāthoñ se hargiz na mafar dekhāitnī hī baṛhī hasrat jitnā hī idhar dekhāJigar Moradabadi (1890–1960)
  49. ik lafz-e-mohabbat kā adnā ye fasānā haisimṭe to dil āshiq phaile to zamānā haiJigar Moradabadi (1890–1960)
  50. dīdār meñ ik turfa dīdār nazar āyāhar bār chhupā koī har bār nazar āyāFiraq Gorakhpuri (1896–1982)