اب ضعف سے ڈھہتا ہے بیتابی شتابی کی

اب ضعف سے ڈھہتا ہے بیتابی شتابی کی

اس دل کے تڑپنے نے کیا خانہ خرابی کی

ان درس گہوں میں وہ آیا نہ نظر ہم کو

کیا نقل کروں خوبی اس چہرہ کتابی کی

بھنتے ہیں دل اک جانب سکتے ہیں جگر یکسو

ہے مجلس مشتاقاں دکان کبابی کی

تلخ اس لب میگوں سے سب سنتے ہیں کس خاطر

تہہ دار نہیں ہوتی گفتار شرابی کی

یک بو کشی بلبل ہے موجب صد مستی

پر زور ہے کیا دارو غنچے کی گلابی کی

اب سوز محبت سے سارے جو پھپھولے ہیں

ہے شکل مرے دل کی سب شیشہ حبابی کی

نش مردہ مرے منہ سے یاں حرف نہیں نکلا

جو بات کہ میں نے کی سو میرؔ حسابی کی

ab zof se dhahatta hai betabi shitabi ki

is dil ke tarapne ne kya khana kharabi ki

un dars gahon mein wo aya na nazar ham ko

kya naql karun khubi is chehra kitabi ki

bhunate hain dil ik janib sakte hain jigar yakso

hai majlis mushtaqan dukan kababi ki

talkh us lab megon se sab sunte hain kis khatir

tah dar nahin hoti guftar sharabi ki

yak bu kashi bulbul hai mujib sad masti

pur zor hai kya daru ghunche ki gulabi ki

ab soz-e-mohabbat se sare jo phphule hain

hai shakl mire dil ki sab shisha hababi ki

nash murda mire munh se yan harf nahin nikla

jo bat ke main ne ki so mir hisabi ki