مجنوں کا جو اے لیلیٰ جوتا نہ پھٹا ہوتا

مجنوں کا جو اے لیلیٰ جوتا نہ پھٹا ہوتا

پیچھے ترے ناقہ کے کیوں برہنہ پا ہوتا

بے فائدہ غل مچتا کیا جانیے کیا ہوتا

گر ان کی گلی ہوتی اور میرا گلا ہوتا

ہوتا اگر آدم کا دنیا میں کوئی بھائی

نسل بنی آدم کا واللہ چچا ہوتا

گر قیس کی وحشت کا کچھ اونٹ اثر لیتا

لیلیٰ کو گرا دیتا اور بھاگ کھڑا ہوتا

مفلس سے زیادہ تر منعم ہی گرسنہ ہیں

کیوں روز ہوا کھاتے گر پیٹ بھرا ہوتا

وہ بن کے مسیحا بھی اچھا جو نہ کر سکتے

بیمار ترے حق میں یہ اور برا ہوتا

معدوم دہن ہوتا مفقود کمر ہوتی

معشوق ظریفؔ ایسا ہوتا بھی تو کیا ہوتا

majnun ka jo ai laila jota na phata hota

pichhe tire naqa ke kyun barhana pa hota

be faida ghul machta kya janiye kya hota

gar un ki gali hoti aur mera gila hota

hota agar adam ka duniya mein koi bhai

nasl bani adam ka wallah chacha hota

gar qais ki wahshat ka kuchh unt asar leta

laila ko gira deta aur bhag khara hota

muflis se ziyada tar munam hi garsanh hain

kyun roz hua khate gar pet bhara hota

wo ban ke masiha bhi achchha jo na kar sakte

bimar tire haq mein ye aur bura hota

maadum dahan hota mafqud kamar hoti

maashuq zarif aisa hota bhi to kya hota