مت پوچھ تو جانے دے احوال کو فرقت کے

مت پوچھ تو جانے دے احوال کو فرقت کے

جس طور کٹے کاٹے ایام مصیبت کے

جی میں ہے دکھا دیجے یک روز ترے قد کو

جو شخص کہ منکر ہیں اے یار قیامت کے

کہتا ہوں غلط تجھ سے میں دل کو چھڑاؤں گا

چھٹتے ہیں کہیں پیارے باندھے ہوئے الفت کے

قصر و محل منعم تجھ کو ہی مبارک ہوں

بیٹھے ہیں ہم آسودہ گوشہ میں قناعت کے

بے دار چھپائے سے چھپتے ہیں کوئی تیرے

چہرہ سے نمایاں ہیں آثار محبت کے

mat puchh to jane de ahwal ko furqat ke

jis taur kate kate ayyam musibat ke

ji mein hai dikha dije yak roz tire qad ko

jo shakhs ke munkir hain ai yar qayamat ke

kahta hun ghalat tujh se main dil ko chhuraunga

chhutte hain kahin pyare bandhe hue ulfat ke

qasr-o-mahal munam tujh ko hi mubarak hun

baithe hain ham asuda gosha mein qanaat ke

be dar chhupae se chhupte hain koi tere

chehra se numayan hain asar mohabbat ke