ہم عاشق فاسق تھے ہم صوفی صافی ہیں

ہم عاشق فاسق تھے ہم صوفی صافی ہیں

پی لیں جو کہیں اب بھی در خورد معافی ہیں

بیگار بھی ململ بھی گرمی میں شب فرقت

کام آئیں گے جاڑے میں فردیں جو لحافی ہیں

عقلوں کو بنا دے گا، دیوانہ جمال ان کا

چھا جائیں گی ہوشوں پر آنکھیں وہ غلافی ہیں

ہم شکر ستم کرتے ، کیوں شکوہ کیا ان سے

آئین محبت کے شیوے یہ منافی ہیں

جھوٹی بھی گورا تہی باقی بھی غنیمت ہے

دو گھونٹ بھی ساقی سے مل جائیں تو کافی ہیں

ہم ان کی جفا سے بھی راضی تھے مگر نا حق

اب ہو کے وہ خود نادم سرگرم تلافی ہیں

جدت میں ہے لاثانی حسرت کی غزل خوانی

کیا طرفہ مطالب ہیں، کیا تازہ قوانی ہیں

ham ashiq fasiq the ham sufi safi hain

pi len jo kahin ab bhi dar khurd muafi hain

begar bhi malmal bhi garmi mein shab furqat

kam aenge jare mein farden jo lihafi hain

aqlon ko bana dega, diwana jamal un ka

chha jaengi hoshon par ankhen wo ghilafi hain

ham shakar sitam karte, kyun shikwa kya un se

ain-e-mohabbat ke shewe ye munafi hain

jhuti bhi gora tahi baqi bhi ghanimat hai

do ghunt bhi saqi se mil jaen to kafi hain

ham un ki jafa se bhi razi the magar na haq

ab ho ke wo khud nadim sargarm-e-talafi hain

jiddat mein hai lasani hasrat ki ghazal khwani

kya turfa matalib hain, kya taza quani hain