اے دوست کوئی مجھ سا رسوا نہ ہوا ہوگا

اے دوست کوئی مجھ سا رسوا نہ ہوا ہوگا

دشمن کے بھی دشمن پر ایسا نہ ہوا ہوگا

اب اشک حنائی سے جو تر نہ کرے مژگاں

وہ تجھ کف رنگیں کا مارا نہ ہوا ہوگا

ٹک گور غریباں کی کر سیر کہ دنیا میں

ان ظلم رسیدوں پر کیا کیا نہ ہوا ہوگا

بے نالہ و بے زاری بے خستگی و خواری

امروز کبھی اپنا فردا نہ ہوا ہوگا

ہے قاعدہ کلی یہ کوئے محبت میں

دل غم جو ہوا ہوگا پیدا نہ ہوا ہوگا

اس کہنہ خرابے میں آبادی نہ کر منعم

یک شہر نہیں یاں جو صحرا نہ ہوا ہوگا

آنکھوں سے تری ہم کو ہے چشم کہ اب ہووے

جو فتنہ کہ دنیا میں برپا نہ ہوا ہوگا

جز مرتبۂ کل کو حاصل کرے ہے آخر

یک قطرہ نہ دیکھا جو دریا نہ ہوا ہوگا

صد نشتر مژگاں کے لگنے سے نہ نکلا خوں

آگے تجھے میرؔ ایسا سودا نہ ہوا ہوگا

ai dost koi mujh sa ruswa na hua hoga

dushman ke bhi dushman par aisa na hua hoga

ab ashk hinai se jo tar na kare mizhgan

wo tujh kaf rangin ka mara na hua hoga

tuk gor-e-ghariban ki kar sair ke duniya mein

un zulm rasidon par kya kya na hua hoga

be nala-o-be zari be khastagi-o-khwari

imroz kabhi apna farda na hua hoga

hai qaida kali ye ku-e-mohabbat mein

dil gham jo hua hoga paida na hua hoga

is kohna kharabe mein abadi na kar munam

yak shahr nahin yan jo sahra na hua hoga

ankhon se tiri ham ko hai chashm ke ab howe

jo fitna ke duniya mein barpa na hua hoga

juz martaba-e-kal ko hasil kare hai akhir

yak qatra na dekha jo dariya na hua hoga

sad nashtar mizhgan ke lagne se na nikla khun

age tujhe mir aisa sauda na hua hoga