آغوش تصور میں جب میں نے اسے مسکا

آغوش تصور میں جب میں نے اسے مسکا

لب ہائے مبارک سے اک شور تھا "بس بس" کا

سو بار حریر اس کا مسکا نگہ گل سے

شبنم سے کب اے بلبل پیراہن گل مسکا

اس تن کو نہیں طاقت شبنم کے تلبس سے

اے دست ہوس اس پر تو قصد نہ کر مس کا

ملتی ہے پری آنکھیں اور حور جبیں سا ہے

ہے نقش جہاں یارو اس پائے مقدس کا

تر رکھیو سدا یارب تو اس مژۂ تر کو

ہم عطر لگاتے ہیں گرمی میں اسی خس کا

اس گریۂ خونیں کی دولت سے نظیرؔ اپنے

اب کلبۂ احزاں میں کل فرش ہے اطلس کا

aghosh-e-tasawwur mein jab main ne use maska

lab ha-e-mubarak se ik shor tha "bas bas" ka

sau bar harir us ka maska nigah gul se

shabnam se kab ai bulbul pairahan gul maska

is tan ko nahin taqat shabnam ke tilbas se

ai dast-e-hawas us par to qasd na kar mis ka

milti hai pari ankhen aur hur jabin sa hai

hai naqsh jahan yaro is pae muqaddas ka

tar rakhiyo sada yarab to is mizha-e-tar ko

ham itr lagate hain garmi mein isi khas ka

is girya-e-khunin ki daulat se nazir apne

ab kulba-e-ahzan mein kal farsh hai atlas ka