شب خواب میں دیکھا تھا مجنوں کو کہیں اپنے

شب خواب میں دیکھا تھا مجنوں کو کہیں اپنے

دل سے جو کراہ اٹھی لیلیٰ کو لیا تپ نے

دیکھے ترے جلوہ کو بامہن کی جو بیٹی بھی

منہ سے وہیں کلمہ کو یکبار لگے جپنے

ہے جنس پری سا کچھ آدم تو نہیں اصلاً

اک آگ لگا دی ہے اس امرد خوش گپ نے

اس طرح کے ملنے میں کیا لطف رہا باقی

ہم اس سے لگے رکنے وہ ہم سے لگا چھپنے

ہنگام سخن سنجی آتش کی زبانی کو

شرمندہ کیا اے دل اس شوخ کے گپ شپ نے

ہر امر میں دنیا کے موجود جدھر دیکھو

آدم کو کیا حیراں شیطان کی لپ جھپ نے

گرمی سے مرے دل کی اس موسم سرما میں

یہ گنبد گردوں بھی یکبار لگا تپنے

رہ وادیٔ ایمن کی لیتا ہوں کہ گھبرایا

اس دل کی بدولت یاں مجھ کو طرف چپ نے

ہے ہم سے بھی ہو سکتا جو کچھ نہ کیا ہوگا

مجنوں سے جفا کش نے فرہاد سے سر کھپ نے

چل ہٹ بھی پرے بجلی دل بادلوں کو لے کر

دہلا ہے دیا تیری تلواروں کی شپ شپ نے

کب تک نہ کراہوں میں نالہ نہ بھروں کیوں کر

میں کیا کروں اے انشاؔ اب جی ہی لگا کھپنے

shab khwab mein dekha tha majnun ko kahin apne

dil se jo karah uthi laila ko liya tap ne

dekhe tire jalwa ko bamuhan ki jo beti bhi

munh se wahin kalima ko yakbar lage japne

hai jins-e-pari sa kuchh adam to nahin aslan

ik ag laga di hai is umrad khush gap ne

is tarah ke milne mein kya lutf raha baqi

ham us se lage rukne wo ham se laga chhupne

hangam-e-sukhan sanji atish ki zabani ko

sharminda kiya ai dil us shokh ke gap ship ne

har amar mein duniya ke maujud jidhar dekho

adam ko kiya hairan shaitan ki lap jhap ne

garmi se mire dil ki is mausam sarma mein

ye gumbad gardun bhi yakbar laga tapne

rah wadi-e-eman ki leta hun ke ghabraya

is dil ki badaulat yan mujh ko taraf chup ne

hai ham se bhi ho sakta jo kuchh na kya hoga

majnun se jafa kash ne farhad se sar khap ne

chal hat bhi pare bijli dil badalon ko le kar

dahla hai diya teri talwaron ki ship ship ne

kab tak na karahon mein nala na bharun kyun kar

main kya karun ai insha ab ji hi laga khapne