اب میرؔ جی تو اچھے زندیق ہی بن بیٹھے

اب میرؔ جی تو اچھے زندیق ہی بن بیٹھے

پیشانی پہ دے قشقہ زنار پہن بیٹھے

آزردہ دل الفت ہم چپکے ہی بہتر ہیں

سب رو اٹھے گی مجلس جو کر کے سخن بیٹھے

عریان پھریں کب تک اے کاش کہیں آ کر

تا گرد بیاباں کی بالائے بدن بیٹھے

پیکان خدنگ اس کا یوں سینے کے اودھر ہے

جوں مار سیہ کوئی کاڑھے ہوئے پھن بیٹھے

جز خط کے خیال اس کے کچھ کام نہیں ہم کو

سبزی پیے ہم اکثر رہتے ہیں مگن بیٹھے

شمشیر ستم اس کی اب گو کا چلے ہر دم

شوریدہ سر اپنے سے ہم باندھ کفن بیٹھے

بس ہو تو ادھر اودھر یوں پھرنے نہ دیں تجھ کو

ناچار ترے ہم یہ دیکھیں ہیں چلن بیٹھے

ab mir ji to achchhe zindiq hi ban baithe

peshani pe de qashqa zunnar pahan baithe

azurda dil ulfat ham chupke hi behtar hain

sab ro uthegi majlis jo kar ke sukhan baithe

ariin phiren kab tak ai kash kahin a kar

ta gard bayaban ki bala-e-badan baithe

paikan-e-khadang us ka yun sine ke udhar hai

jun mar-e-siyah koi karhe hue phan baithe

juz khat ke khayal us ke kuchh kam nahin ham ko

sabzi piye ham aksar rahte hain magan baithe

shamshir-e-sitam us ki ab go ka chale har dam

shorida sar apne se ham bandh kafan baithe

bas ho to idhar udhar yun phirne na den tujh ko

nachar tire ham ye dekhen hain chalan baithe