جب تک غم الفت کا عنصر نہ ملا ہوگا

جب تک غم الفت کا عنصر نہ ملا ہوگا

انسان کے پہلو میں دل بن نہ سکا ہوگا

میں اور ترا سودا تو اور یہ استغنا

شاید مجھے فطرت نے مجبور کیا ہوگا

اک دائرہ ذروں کا خورشید طریقت تھا

شاید وہ تمہارا ہی نقش کف پا ہوگا

تم درد کے خالق ہو میں درد کا بندہ ہوں

جب نام لیا ہوگا دل تھام لیا ہوگا

سیمابؔ جب اس دل میں تصویر نہیں ان کی

یہ آئینہ دھندلا ہے یہ آئینہ کیا ہوگا

jab tak gham ulfat ka unsar na mila hoga

insan ke pahlu mein dil ban na saka hoga

main aur tira sauda to aur ye istighna

shayad mujhe fitrat ne majbur kya hoga

ik daira zarron ka khurshid tariqat tha

shayad wo tumhara hi naqsh-e-kaf pa hoga

tum dard ke khaliq ho main dard ka banda hun

jab nam liya hoga dil tham liya hoga

simab jab is dil mein taswir nahin un ki

ye aina dhundla hai ye aina kya hoga