دزدیدہ نگہ کرنا پھر آنکھ ملانا بھی

دزدیدہ نگہ کرنا پھر آنکھ ملانا بھی

اس لوٹتے دامن کو پاس آ کے اٹھانا بھی

پامالی عاشق کو منظور رکھے جانا

پھر چال کڈھب چلنا ٹھوکر نہ لگانا بھی

برقع کو اٹھا دینا پر آدھے ہی چہرے سے

کیا منہ کو چھپانا بھی کچھ جھمکی دکھانا بھی

دیکھ آنکھیں مری نیچی اک مارنا پتھر بھی

ظاہر میں ستانا بھی پردے میں جتانا بھی

صحبت ہے یہ ویسی ہی اے جان کی آسائش

ساتھ آن کے سونا بھی پھر منہ کو چھپانا بھی

duzdida nigah karna phir ankh milana bhi

is lautte daman ko pas a ke uthana bhi

pamali ashiq ko manzur rakhe jana

phir chal kudhab chalna thokar na lagana bhi

burqaa ko utha dena par adhe hi chehre se

kya munh ko chhupana bhi kuchh jhamki dikhana bhi

dekh ankhen miri nichi ik marna patthar bhi

zahir mein satana bhi parde mein jatana bhi

sohbat hai ye waisi hi ai jan ki asaish

sath an ke sona bhi phir munh ko chhupana bhi