ہے اب تو یہ دھن اس سے میں آنکھ لڑا لوں گا

ہے اب تو یہ دھن اس سے میں آنکھ لڑا لوں گا

اور چوم کے منہ اس کا سینے سے لگا لوں گا

گر تیر لگاوے گا پیہم وہ نگہ کے تو

میں اس کی جراحت کو ہنس ہنس کے اٹھا لوں گا

دل جاتے ادھر دیکھا جب میں نے نظیرؔ اس کو

روکا ارے وہ تجھ کو لے گا تو میں کیا لوں گا

واں ابرو و مژگاں کے ہیں تیغ و سناں چلتے

ٹک سوچ تو میں تجھ کو کس کس سے بچا لوں گا

پڑ جاوے گی جب شہہ وہ اے دل تو بھلا پھر میں

کیا آپ کو تھاموں گا کیا تجھ کو سنبھالوں گا

hai ab to ye dhun us se main ankh lara lunga

aur chum ke munh us ka sine se laga lunga

gar tir lagawega paiham wo nigah ke to

main us ki jarahat ko hans hans ke utha lunga

dil jate idhar dekha jab main ne nazir us ko

roka are wo tujh ko lega to main kya lunga

wan abru-o-mizhgan ke hain tegh-o-sinan chalte

tuk soch to main tujh ko kis kis se bacha lunga

par jawegi jab shah wo ai dil to bhala phir main

kya ap ko thamunga kya tujh ko sambhalunga