یوں ہاتھ نہیں آتا وہ گوہرِ یک دانہ

یوں ہاتھ نہیں آتا وہ گوہرِ یک دانہ

یک رنگی و آزادی اے ہمّتِ مردانہ!

یا سنجر و طغرل کا آئینِ جہاں‌گیری

یا مردِ قلندر کے اندازِ ملوکانہ!

یا حیرتِ فارابیؔ یا تاب و تبِ رومیؔ

یا فکرِ حکیمانہ یا جذبِ کلیمانہ!

یا عقل کی رُوباہی یا عشقِ یدُاللّٰہی

یا حِیلۂ افرنگی یا حملۂ ترکانہ!

یا شرعِ مسلمانی یا دَیر کی دربانی

یا نعرۂ مستانہ، کعبہ ہو کہ بُت خانہ!

مِیری میں فقیری میں، شاہی میں غلامی میں

کچھ کام نہیں بنتا بے جُرأتِ رِندانہ

yun hath nahin ata wo gauhar-e-yak dana

yak rangi-o-azadi ai himmat-e-mardana!

ya sunjarr-o-tughrul ka ain-e-jahangiri

ya mard-e-qalandar ke andaz-e-mulukana!

ya hairat-e-farubi ya tab-o-tab-e-rumi

ya fikr-e-hakimana ya jazb-e-kalimana!

ya aql ki rubahi ya ishq-e-yadulllahi

ya hila-e-afrangi ya hamla-e-turkana!

ya shar-e-musalmani ya dair ki darbani

ya naara-e-mastana, kaaba ho ke but khana!

miri mein faqiri mein, shahi mein ghulami mein

kuchh kam nahin banta be jurat-e-rindana