انسان

منظر چَمنِستاں کے زیبا ہوں کہ نازیبا

محرومِ عمل نرگس مجبورِ تماشا ہے

رفتار کی لذّت کا احساس نہیں اس کو

فطرت ہی صنوبر کی محرومِ تمنّا ہے

تسلیم کی خُوگر ہے جو چیز ہے دُنیا میں

انسان کی ہر قوّت سرگرمِ تقاضا ہے

اس ذرّے کو رہتی ہے وسعت کی ہوس ہر دم

یہ ذرّہ نہیں، شاید سِمٹا ہُوا صحرا ہے

چاہے تو بدل ڈالے ہیئت چَمنِستاں کی

یہ ہستیِ دانا ہے، بِینا ہے، توانا ہے

manzar chamanistan ke zeba hun ke nazeba

mahrum-e-amal nargis majbur-e-tamasha hai

raftar ki lazzat ka ehsas nahin us ko

fitrat hi sanobar ki mahrum-e-tamanna hai

taslim ki khugar hai jo chiz hai duniya mein

insan ki har quwwat sargarm-e-taqaza hai

is zarre ko rahti hai wusat ki hawas har dam

ye zarra nahin, shayad simta hua sahra hai

chahe to badal dale haiat chamanistan ki

ye hasti-e-dana hai, bina hai, tawana hai