Arooz is now on the App Store, for iPhone and iPad. Download →

Poetry

Bahr-e Zamzama Mutadarik Musamman Muza'af

بحرِ زمزمہ/ متدارک مثمن مضاعف
Poet
Meter
Clear
  1. chehre pe ḳhushī chhā jātī hai ānkhoñ meñ surūr ā jātā haijab tum mujhe apnā kahte ho apne pe ġhurūr ā jātā haiSahir Ludhianvi (1921–1980)
  2. chhū lene do nāzuk honṭoñ ko kuchh aur nahīñ hai jām hai yequdrat ne jo ham ko baḳhshā hai vo sab se hasīñ inām hai yeSahir Ludhianvi (1921–1980)
  3. sansār se bhāge phirte ho bhagvān ko tum kyā pā.ogeis lok ko bhī apnā na sake is lok meñ bhī pachhtā.ogeSahir Ludhianvi (1921–1980)
  4. dhartī kī sulagtī chhātī se be chain sharāre pūchhte haiñtum log jinheñ apnā na sake vo ḳhūn ke dhāre pūchhte haiñSahir Ludhianvi (1921–1980)
  5. aurat ne janam diyā mardoñ ko mardoñ ne use bāzār diyājab jī chāhā maslā kuchlā jab jī chāhā dhutkār diyāSahir Ludhianvi (1921–1980)
  6. maiñ pal do pal kā shāyar hūñ pal do pal mirī kahānī haipal do pal merī hastī hai pal do pal mirī javānī haiSahir Ludhianvi (1921–1980)
  7. vo sub.h kabhī to ā.egīun kālī sadiyoñ ke sar se jab rāt kā ānchal ḍhalkegāSahir Ludhianvi (1921–1980)
  8. kyūñ ṭīs sī dil meñ uṭhtī hai kyūñ dard se jī ghabrātā haipahle to na thā aisā ālam ab dil kyūñ ḍūbā jātā haiRabia Sultana Nashad (b. 1921)
  9. sāġhar meñ bhī ḍhaltī rahtī hai sajdoñ meñ bhī paltī rahtī haiḳhvāhish hai bahar hāl ek magar so bhes badaltī rahtī haiEhsan Darbhangavi (1922–1998)
  10. ābād raheñge vīrāne shādāb raheñgī zanjīreñjab tak dīvāne zinda haiñ phūleñgī phaleñgī zanjīreñHafeez Merathi (1922–2000)
  11. gulshan kī faqat phūloñ se nahīñ kānṭoñ se bhī zīnat hotī haijīne ke liye is duniyā meñ ġham kī bhī zarūrat hotī haiSaba Afghani (1922–1976)
  12. badlī huī nazroñ se ab bhī andāz purāne māñge haidil merā kitnā mūrakh hai vo bīte zamāne māñge haiQadir Siddiqi (b. 1923)
  13. jab rāt ga.e tirī yād ā.ī sau tarah se jī ko bahlāyākabhī apne hī dil se bāteñ kīñ kabhī terī yād ko samjhāyāNasir Kazmi (1925–1972)
  14. na.e kapṛe badal kar jā.ūñ kahāñ aur bāl banā.ūñ kis ke liyevo shaḳhs to shahr hī chhoṛ gayā maiñ bāhar jā.ūñ kis ke liyeNasir Kazmi (1925–1972)
  15. zaḳhmoñ ko marham kahtā hūñ qātil ko masīhā kahtā hūñjo dil par guzrā kartī hai maiñ pardā pardā kahtā hūñQaisarul Jafri (1926–2005)
  16. us husn ke nām pe yād ā.e sab manzar faiz kī nazmoñ kevahī rang-e-hinā vahī band-e-qabā vahī phūl khule pairāhan meñIbn-e-Insha (1927–1978)
  17. inshā jī uṭho ab kūch karo is shahr meñ jī ko lagānā kyāvahshī ko sakūñ se kyā matlab jogī kā nagar meñ ṭhikānā kyāIbn-e-Insha (1927–1978)
  18. jab dahr ke ġham se amāñ na milī ham logoñ ne ishq ījād kiyākabhī shahr-e-butāñ meñ ḳharāb phire kabhī dasht-e-junūñ ābād kiyāIbn-e-Insha (1927–1978)
  19. dil kis ke tasavvur meñ jāne rātoñ ko pareshāñ hotā haiye husn-e-talab kī bāt nahīñ hotā hai mirī jāñ hotā haiIbn-e-Insha (1927–1978)
  20. dil hijr ke dard se bojhal hai ab ān milo to behtar hois bāt se ham ko kyā matlab ye kaise ho ye kyūñ kar hoIbn-e-Insha (1927–1978)
  21. ham un se agar mil baiṭhe haiñ kyā dosh hamārā hotā haikuchh apnī jasārat hotī hai kuchh un kā ishārā hotā haiIbn-e-Insha (1927–1978)
  22. hameñ tum pe gumān vahshat thā ham logoñ ko rusvā kyā tum neabhī fasl guloñ kī nahīñ guzrī kyūñ dāman chāk siyā tum neIbn-e-Insha (1927–1978)
  23. is bastī ke ik kūche meñ ik inshā nām kā dīvānāik nār pe jān ko hār gayā mashhūr hai us kā afsānāIbn-e-Insha (1927–1978)
  24. dil pīt kī āg meñ jaltā hai hāñ jaltā rahe use jalne dois āg se logo dūr raho ṭhanḍī na karo pankhā na jhaloIbn-e-Insha (1927–1978)
  25. ye bāteñ jhūṭī bāteñ haiñ ye logoñ ne phailā.ī haiñtum inshā jī kā nām na lo kyā inshā jī saudā.ī haiñIbn-e-Insha (1927–1978)
  26. har chand abhī ḳhud par zāhir meñ aur mire ahbāb nahīñyāroñ pe fidā hone vāle kam yāb sahī nāyāb nahīñGhaus Mohammad Ghausi (b. 1927)
  27. ik hūk sī jab dil meñ uṭhī jazbāt hamāre ā pahuñchealfāz jo zehn meñ mauzūñ the honṭoñ ke kināre ā pahuñcheB S Jain Jauhar (b. 1927)
  28. ik parda kālī maḳhmal kā ānkhoñ par chhāne lagtā haiik bhanvar hazāroñ shakloñ kā dil ko dahlāne lagtā haiMunir Niazi (1928–2006)
  29. zulmat ko ziyā sarsar ko sabā bande ko ḳhudā kyā likhnāpatthar ko guhar dīvār ko dar kargas ko humā kyā likhnāHabib Jalib (1928–1993)
  30. jab yār ne raḳht-e-safar bāñdhā kab zabt kā pārā us din thāhar dard ne dil ko sehlāyā kyā hāl hamārā us din thāAhmad Faraz (1931–2008)
  31. kyā chīz hai ye sa.ī-e-paiham kyā jazba-e-kāmil hotā haiallāh ko agar manzūr na ho har maqsad bātil hotā haiShakeb Jalali (1934–1966)
  32. nāmūs-e-vafā kā pās rahā shikva bhī zabāñ tak lā na sakeandar se to roe ṭūṭ ke ham par ek bhī ashk bahā na sakeParveen Fana Syed (1936–2010)
  33. mausam to badalte haiñ lekin kyā garm huā kyā sard huāai dost hamāre āngan meñ rahtī hai hamesha zard huāQaisar Shameem (1936–2021)
  34. be hāl se ham kyūñ rahte haiñ kyūñ chāk hai dāman kyā kahiyeye jog liyā hai barsoñ se ham ne kis kāran kyā kahiyePandit Vidya Rattan Asi (1938–2019)
  35. bāhar kā dhun ātā jātā asl-e-ḳhazāna ghar meñ haihar dhūp meñ jo mujhe sāyā de vo sachchā sāyā ghar meñ haiObaidullah Aleem (1939–1998)
  36. kuchh ishq thā kuchh majbūrī thī so maiñ ne jīvan vār diyāmaiñ kaisā zinda ādmī thā ik shaḳhs ne mujh ko mār diyāObaidullah Aleem (1939–1998)
  37. maiñ kaise jyūñ gar ye duniyā har ān na.ī tasvīr na hoye āte jāte rang na hūñ aur lafzoñ kī tanvīr na hoObaidullah Aleem (1939–1998)
  38. dīvālī kī rāt ā.ī hai tum dīp jalā.e baiṭhī homa.asūm umangoñ ko apne sīne se lagā.e baiṭhī hoWaseem Barelvi (b. 1940)
  39. jab kilās se ṭīchar jāte haiñ to kitnī masarrat hotī haiham mil kar shor machāte haiñ to kitnī masarrat hotī haiKaif Ahmed Siddiqui (1943–1986)
  40. ham chānd nagar par jāte hī kholeñge ek nayā maktabta.alīm na hogī jis meñ kabhī sab āzādī se ghūmeñgeKaif Ahmed Siddiqui (1943–1986)
  41. muddat se ye ālam hai dil kā hañstā bhī nahīñ rotā bhī nahīñmāzī bhī kabhī dil meñ na chubhā ā.inda kā sochā bhī nahīñFahmida Riaz (1946–2018)
  42. duniyā kī lambī rāhoñ par ham yūñ to chalte jāte haiñkuchh aise log bhī milte haiñ jo yād hamesha āte haiñFahmida Riaz (1946–2018)
  43. jab hijr ke shahr meñ dhūp utrī meñ jāg paṛā to ḳhvāb huāmirī soch ḳhizāñ kī shāḳh banī tirā chehra aur gulāb huāMohsin Naqvi (1947–1996)
  44. shīshe se ziyāda nāzuk thā ye shīsha-e-dil jo ṭūṭ gayāmat pūchho ke mujh par kyā guzrī jab hāth se sāġhar chhūṭ gayāDanish Farahi (1949–2023)
  45. hameñ apnī zāt se ishq huā ham apne liye betāb huetum log parā.e hijr meñ the tum apne liye nāyāb hueVazahat Nseem (b. 1956)
  46. koī rāz nahīñ koī bhed nahīñ sab zāhir hai to chhupā.eñ kyātum zid pe uṛe tum shak meñ paṛe tum ḳhud hī kaho batlā.eñ kyāKaleem Qaisar Balrampuri (b. 1958)
  47. hai āj andherā har jānib aur nūr kī bāteñ karte haiñnazdīk kī bātoñ se ḳhā.if ham dūr kī bāteñ karte haiñObaidur Rahman (1961–2014)
  48. ham jaise dil muztar kī tarah zaḳhmoñ kā mudāvā kaun kareik chāra gar dil kī ḳhātir phir turfa tamāshā kaun karePandit Aks Lucknowi (b. 1964)
  49. bhīgī bhīgī barkhā rut ke manzar gīle yād karodo honṭ rasīle yād karo do nain kaṭīle yād karoGhaus Siwani (b. 1969)
  50. kyā ishq hai jab ho jā.egā tab bāt samajh meñ ā.egījab zehn ko dil samjhā.egā tab bāt samajh meñ ā.egīIftikhar Raghib (b. 1973)