چہرے پہ خوشی چھا جاتی ہے آنکھوں میں سرور آ جاتا ہے

چہرے پہ خوشی چھا جاتی ہے آنکھوں میں سرور آ جاتا ہے

جب تم مجھے اپنا کہتے ہو اپنے پہ غرور آ جاتا ہے

تم حسن کی خود اک دنیا ہو شاید یہ تمہیں معلوم نہیں

محفل میں تمہارے آنے سے ہر چیز پہ نور آ جاتا ہے

ہم پاس سے تم کو کیا دیکھیں تم جب بھی مقابل ہوتے ہو

بیتاب نگاہوں کے آگے پردہ سا ضرور آ جاتا ہے

جب تم سے محبت کی ہم نے تب جا کے کہیں یہ راز کھلا

مرنے کا سلیقہ آتے ہی جینے کا شعور آ جاتا ہے

chehre pe khushi chha jati hai ankhon mein surur a jata hai

jab tum mujhe apna kahte ho apne pe ghurur a jata hai

tum husn ki khud ik duniya ho shayad ye tumhen maalum nahin

mahfil mein tumhare ane se har chiz pe nur a jata hai

ham pas se tum ko kya dekhen tum jab bhi muqabil hote ho

betab nigahon ke age parda sa zarur a jata hai

jab tum se mohabbat ki ham ne tab ja ke kahin ye raz khula

marne ka saliqa ate hi jine ka shuur a jata hai