ہم ان سے اگر مل بیٹھے ہیں کیا دوش ہمارا ہوتا ہے

ہم ان سے اگر مل بیٹھے ہیں کیا دوش ہمارا ہوتا ہے

کچھ اپنی جسارت ہوتی ہے کچھ ان کا اشارا ہوتا ہے

کٹنے لگیں راتیں آنکھوں میں دیکھا نہیں پلکوں پر اکثر

یا شام غریباں کا جگنو یا صبح کا تارا ہوتا ہے

ہم دل کو لیے ہر دیس پھرے اس جنس کے گاہک مل نہ سکے

اے بنجارو ہم لوگ چلے ہم کو تو خسارا ہوتا ہے

دفتر سے اٹھے کیفے میں گئے کچھ شعر کہے کچھ کافی پی

پوچھو جو معاش کا انشاؔ جی یوں اپنا گزارا ہوتا ہے

ham un se agar mil baithe hain kya dosh hamara hota hai

kuchh apni jasarat hoti hai kuchh un ka ishara hota hai

katne lagen raten ankhon mein dekha nahin palkon par aksar

ya sham-e-ghariban ka jugnu ya subh ka tara hota hai

ham dil ko liye har des phire is jins ke gahak mil na sake

ai banajaro ham log chale ham ko to khasara hota hai

daftar se uthe kaife mein gae kuchh sher kahe kuchh kafi pi

puchho jo maash ka insha ji yun apna guzara hota hai