زخموں کو مرہم کہتا ہوں قاتل کو مسیحا کہتا ہوں

زخموں کو مرہم کہتا ہوں قاتل کو مسیحا کہتا ہوں

جو دل پر گزرا کرتی ہے میں پردا پردا کہتا ہوں

زلفوں کو گھٹائیں کہتا ہوں رخسار کو شعلہ کہتا ہوں

تم جتنے اچھے لگتے ہو میں اس سے اچھا کہتا ہوں

اب ریت یہی ہے دنیا کی تم بھی نہ بنو بیگانہ کہیں

الزام نہیں دھرتا تم پر اک جی کا دھڑکنا کہتا ہوں

ارباب چمن جو کہتے ہیں وہ نام مجھے معلوم نہیں

جس شاخ پہ کوئی پھول نہ ہو میں اس کو تمنا کہتا ہوں

قیصرؔ وہ نوا لا حاصل ہے جو آ کے لبوں پر لہرائے

چھو لے جو دلوں کی گہرائی میں اس کو نغمہ کہتا ہوں

zakhmon ko marham kahta hun qatil ko masiha kahta hun

jo dil par guzra karti hai main parda parda kahta hun

zulfon ko ghataen kahta hun rukhsar ko shola kahta hun

tum jitne achchhe lagte ho main us se achchha kahta hun

ab ret yahi hai duniya ki tum bhi na bano begana kahin

ilzam nahin dharta tum par ik ji ka dharakna kahta hun

arbab-e-chaman jo kahte hain wo nam mujhe maalum nahin

jis shakh pe koi phul na ho main us ko tamanna kahta hun

qaisar wo nawa la hasil hai jo a ke labon par lahrae

chhu le jo dilon ki gahrai mein us ko naghma kahta hun