جب کلاس سے ٹیچر جاتے ہیں تو کتنی مسرت ہوتی ہے

جب کلاس سے ٹیچر جاتے ہیں تو کتنی مسرت ہوتی ہے

ہم مل کر شور مچاتے ہیں تو کتنی مسرت ہوتی ہے

چھٹی کی اجازت ملتے ہی ہم جیل کے اک قیدی کی طرح

اسکول سے باہر آتے ہیں تو کتنی مسرت ہوتی ہے

جس وقت پڑھاتے ہیں ٹیچر دل کتنا پریشاں ہوتا ہے

لیکن جب کھیل کھلاتے ہیں تو کتنی مسرت ہوتی ہے

جب ہم کو کسی پکنک کے لیے اسکول کی جانب سے اکثر

استاد کہیں لے جاتے ہیں تو کتنی مسرت ہوتی ہے

درجے میں پڑھاتے وقت اکثر جب میرے سوالوں پر یارو

استاد بھی چکر کھاتے ہیں تو کتنی مسرت ہوتی ہے

بازار سے جا کر میرے لیے ہر ماہ مرے پیارے پاپا

بچوں کا رسالہ لاتے ہیں تو کتنی مسرت ہوتی ہے

ان درسی کتابوں میں ہم کو کچھ لطف نہیں ملتا لیکن

جب کیفؔ کی نظمیں گاتے ہیں تو کتنی مسرت ہوتی ہے

jab kilas se tichar jate hain to kitni masarrat hoti hai

ham mil kar shor machate hain to kitni masarrat hoti hai

chhutti ki ijazat milte hi ham jel ke ik qaidi ki tarah

iskul se bahar ate hain to kitni masarrat hoti hai

jis waqt parhate hain tichar dil kitna pareshan hota hai

lekin jab khel khilate hain to kitni masarrat hoti hai

jab ham ko kisi piknik ke liye iskul ki janib se aksar

ustad kahin le jate hain to kitni masarrat hoti hai

darje mein parhate waqt aksar jab mere sawalon par yaro

ustad bhi chakkar khate hain to kitni masarrat hoti hai

bazar se ja kar mere liye har mah mire pyare papa

bachchon ka risala late hain to kitni masarrat hoti hai

un darsi kitabon mein ham ko kuchh lutf nahin milta lekin

jab kaif ki nazmen gate hain to kitni masarrat hoti hai