ہر چند ابھی خود پر ظاہر میں اور مرے احباب نہیں

ہر چند ابھی خود پر ظاہر میں اور مرے احباب نہیں

یاروں پہ فدا ہونے والے کم یاب سہی نایاب نہیں

دنیا کا بھرم قائم رکھنا اوروں کے لئے جینا مرنا

اس دور کی وہ تہذیب نہیں اس دور کے وہ آداب نہیں

کشتی پہ تھپیڑوں کا ہے اثر تیکھے سہی موجوں کے تیور

پھر بھی پس منظر میں یارو سازش ہے کوئی گرداب نہیں

محبوب ادا حیرت افزا خوشبو سیرت جلوہ صورت

یہ خواب ہمارے اپنے ہیں یہ خواب پرائے خواب نہیں

ہر موج رواں بے فیض رہی بے سایہ شجر جیسی ابھری

دریا بھی سراب آسا نکلا اک لب تشنہ سیراب نہیں

بازار وفا اور بے رونق یہ تو المیہ ہے غوثیؔ

ہیرے ہیں مگر خوش تاب نہیں موتی ہیں مگر پر آب نہیں

har chand abhi khud par zahir mein aur mire ahbab nahin

yaron pe fida hone wale kam yab sahi nayab nahin

duniya ka bharam qaim rakhna auron ke liye jina marna

is daur ki wo tahzib nahin is daur ke wo adab nahin

kashti pe thaperon ka hai asar tikhe sahi maujon ke tewar

phir bhi pas manzar mein yaro sazish hai koi girdab nahin

mahbub ada hairat afza khushbu sirat jalwa surat

ye khwab hamare apne hain ye khwab parae khwab nahin

har mauj-e-rawan be faiz rahi be saya shajar jaisi ubhri

dariya bhi sarab asa nikla ik lab tishna sairab nahin

bazar-e-wafa aur be raunaq ye to alamiyya hai ghausi

hire hain magar khush tab nahin moti hain magar par ab nahin