دیوالی کی رات آئی ہے تم دیپ جلائے بیٹھی ہو

دیوالی کی رات آئی ہے تم دیپ جلائے بیٹھی ہو

معصوم امنگوں کو اپنے سینے سے لگائے بیٹھی ہو

تصویر کو میری پھولوں کی خوشبو میں بسائے بیٹھی ہو

آنکھوں کے نشیلے ڈوروں پر کاجل کو بٹھائے بیٹھی ہو

میں دور کہیں تم سے بیٹھا اک دیپ کی جانب تکتا ہوں

اک بزم سجائے رکھی ہے اک درد جگائے رکھتا ہوں

خاموشی میری ساتھی ہے اور دیکھنے والا کوئی نہیں

اے کاش کہیں سے آ جاتے جینے کا بہانہ کوئی نہیں

diwali ki rat ai hai tum dip jalae baithi ho

maasum umangon ko apne sine se lagae baithi ho

taswir ko meri phulon ki khushbu mein basae baithi ho

ankhon ke nashile doron par kajal ko bithae baithi ho

main dur kahin tum se baitha ik dip ki janib takta hun

ik bazm sajae rakhi hai ik dard jagae rakhta hun

khamoshi meri sathi hai aur dekhne wala koi nahin

ai kash kahin se a jate jine ka bahana koi nahin