ناموس وفا کا پاس رہا شکوہ بھی زباں تک لا نہ سکے

ناموس وفا کا پاس رہا شکوہ بھی زباں تک لا نہ سکے

اندر سے تو روئے ٹوٹ کے ہم پر ایک بھی اشک بہا نہ سکے

ساحل تو نظر آیا لیکن طوفاں میں بلا کی شدت تھی

موجوں کو منایا لاکھ مگر ہم جانب ساحل آ نہ سکے

ہم کہتے کہتے ہار گئے اور دنیا نے کچھ بھی نہ سنا

جب دنیا نے اصرار کیا ہم اپنا درد سنا نہ سکے

کب ہم نے گلستاں چاہا تھا کب ہم نے بہاریں مانگیں تھیں

اک گل کی تمنا تھی ہم کو وہ بھی تو چمن میں پا نہ سکے

namus-e-wafa ka pas raha shikwa bhi zaban tak la na sake

andar se to roe tut ke ham par ek bhi ashk baha na sake

sahil to nazar aya lekin tufan mein bala ki shiddat thi

maujon ko manaya lakh magar ham janib sahil a na sake

ham kahte kahte har gae aur duniya ne kuchh bhi na suna

jab duniya ne israr kiya ham apna dard suna na sake

kab ham ne gulistan chaha tha kab ham ne baharen mangen thin

ik gul ki tamanna thi ham ko wo bhi to chaman mein pa na sake