جب دہر کے غم سے اماں نہ ملی ہم لوگوں نے عشق ایجاد کیا

جب دہر کے غم سے اماں نہ ملی ہم لوگوں نے عشق ایجاد کیا

کبھی شہر بتاں میں خراب پھرے کبھی دشت جنوں آباد کیا

کبھی بستیاں بن کبھی کوہ و دمن رہا کتنے دنوں یہی جی کا چلن

جہاں حسن ملا وہاں بیٹھ رہے جہاں پیار ملا وہاں صاد کیا

شب ماہ میں جب بھی یہ درد اٹھا کبھی بیت کہے لکھی چاند نگر

کبھی کوہ سے جا سر پھوڑ مرے کبھی قیس کو جا استاد کیا

یہی عشق بالآخر روگ بنا کہ ہے چاہ کے ساتھ بجوگ بنا

جسے بننا تھا عیش وہ سوگ بنا بڑا من کے نگر میں فساد کیا

اب قربت و صحبت یار کہاں لب و عارض و زلف و کنار کہاں

اب اپنا بھی میرؔ سا عالم ہے ٹک دیکھ لیا جی شاد کیا

jab dahr ke gham se aman na mili ham logon ne ishq ijad kiya

kabhi shahr-e-butan mein kharab phire kabhi dasht-e-junun abad kiya

kabhi bastiyan ban kabhi koh-o-daman raha kitne dinon yahi ji ka chalan

jahan husn mila wahan baith rahe jahan pyar mila wahan sad kiya

shab mah mein jab bhi ye dard utha kabhi bit kahe likhi chand nagar

kabhi koh se ja sar phor mire kabhi qais ko ja ustad kiya

yahi ishq bilakhir rog bana ke hai chah ke sath bajog bana

jise banna tha aish wo sog bana bara man ke nagar mein fasad kiya

ab qurbat-o-sohbat yar kahan lab-o-ariz-o-zulf-o-kanar kahan

ab apna bhi mir sa alam hai tuk dekh liya ji shad kiya