Arooz is now on the App Store, for iPhone and iPad. Download →

Poet

Hafeez Hoshiarpuri

1912–1973

Poems

  1. āj unheñ kuchh is tarah jī khol kar dekhā kiyeek hī lamhe meñ jaise umr bhar dekhā kiye
  2. ab koī ārzū nahīñ zauq-e-payām ke sivāab koī justujū nahīñ shauq salām ke sivā
  3. ik umr se ham tum āshnā haiñham se mah-o-anjum āshnā haiñ
  4. aisī bhī kyā jaldī pyāre jāne mileñ phir yā na mileñ hamkaun kahegā phir ye fasāna baiṭh bhī jā.o sun lo koī dam
  5. tamām umr tirā intizār ham ne kiyāis intizār meñ kis kis se pyār ham ne kiyā
  6. rāz-e-sar basta mohabbat ke zabāñ tak pahuñchebāt baṛh kar ye ḳhudā jāne kahāñ tak pahuñche
  7. raushnī sī kabhī kabhī dil meñmanzil-e-be nishāñ se ātī hai
  8. ġham āfāq hai rusvā ġham dilbar ban ketohmat-e-ishq lagī ham pe suḳhan var ban ke
  9. kuchh is tarah se nazar se guzar gayā koīke dil ko ġham kā sazāvār kar gayā koī
  10. kahāñ kahāñ na tasavvur ne dām phailā.ehudūd-e-shām-o-sahar se nikal ke dekh ā.e
  11. gar us kā silsila bhī umr-e-jāvedāñ se milekisī ko ḳhāk sukūñ marg-e-nāgahāñ se mile
  12. lafz abhī ījād hoñge har zarūrat ke liyesharh-e-rāhat ke liye ġham kī sarāhat ke liye
  13. mohabbat karne vāle kam na hoñgetirī mahfil meñ lekin ham na hoñge
  14. nargis pe to ilzām lagā be basarī kāarbāb-e-gulistāñ pe nahīñ kam nazarī kā
  15. na pūchh kyūñ mirī ānkhoñ meñ ā ga.e ānsūjo tere dil meñ hai is bāt par nahīñ ā.e
  16. har qadam par ham samajhte the ke manzil ā ga.īhar qadam par ik na.ī darpesh mushkil ā ga.ī
  17. chāndnī rāt hai javānī pardast-e-gardūñ meñ sāġhar-e-mahtāb
  18. ab yahī mere mashāġhil rah ga.esochnā aur jānib-e-dar dekhnā
  19. tirī talāsh meñ jab ham kabhī nikalte haiñik ajnabī kī tarah rāste badalte haiñ
  20. tirī talāsh hai yā tujh se ijtināb hai yeke roz ek na.e rāste pe chalte haiñ
  21. tire jāte hī ye ālam hai jaisetujhe dekhe zamāna ho gayā hai
  22. tamām umr kyā ham ne intizār bahārbahār ā.ī to sharminda haiñ bahār se ham
  23. jab kabhī ham ne kiyā ishq pashemān huezindagī hai to abhī aur pashemāñ hoñge
  24. jalva be bāk adā shoḳh tamāshā gustāḳhuṭh ga.e bazm se ādāb-e-nazar mere ba.ad
  25. dil meñ ik shor sā uṭhā thā kabhīphir ye hangāma umr bhar hī rahā
  26. duniyā meñ haiñ kām bahutmujh ko itnā yād na ā
  27. dostī ām hai lekin ai dostdost miltā hai baṛī mushkil se
  28. ġham zindagānī ke sab silsilebilāḳhir ġham-e-ishq se jā mile
  29. nazar se had-e-nazar tak tamām tārīkīye ehtimām hai ik va.ada-e-sahar ke liye
  30. ham ko manzil ne bhī gumrāh kiyārāste nikle ka.ī manzil se
  31. ye bāt kah ke huā nāḳhudā alag mujh seye hai safīna ye girdāb hai vo hai sāhil
  32. ye tamīz ishq-o-havas nahīñ hai haqīqatoñ se gurez haijinheñ ishq se sarokār hai vo zarūr ahl-e-havas bhī haiñ
  33. ye dil kashī kahāñ mirī shām-o-sahar meñ thīduniyā tirī nazar kī badaulat nazar meñ hai