اب کوئی آرزو نہیں ذوق پیام کے سوا

اب کوئی آرزو نہیں ذوق پیام کے سوا

اب کوئی جستجو نہیں شوق سلام کے سوا

کوئی شریک غم نہیں اب تری یاد کے بغیر

کوئی انیس دل نہیں اب ترے نام کے سوا

تیری نگاہ مست سے مجھ پہ یہ راز کھل گیا

اور بھی گردشیں ہیں کچھ گردش جام کے سوا

خواہش آرزو سہی حاصل زندگی مگر

حاصل آرزو ہے کیا سوز مدام کے سوا

آہ کوئی نہ کر سکا چارۂ تلخئ فراق

نالۂ صبح کے بغیر گریۂ شام کے سوا

رنگ بہار پر نہ بھول بوئے چمن سے در گذر

یہ بھی ہیں خوش نما فریب دانہ و دام کے سوا

مر کے حیات جاوداں عشق کو مل گئی حفیظؔ

جی کے ہوس کو کیا ملا مرگ دوام کے سوا

ab koi arzu nahin zauq-e-payam ke siwa

ab koi justuju nahin shauq salam ke siwa

koi sharik-e-gham nahin ab tiri yad ke baghair

koi unnis-e-dil nahin ab tire nam ke siwa

teri nigah-e-mast se mujh pe ye raz khul gaya

aur bhi gardishen hain kuchh gardish-e-jam ke siwa

khwahish arzu sahi hasil-e-zindagi magar

hasil-e-arzu hai kya soz-e-mudam ke siwa

ah koi na kar saka chara-e-talkhi-e-firaq

nala-e-subh ke baghair girya-e-sham ke siwa

rang-e-bahar par na bhul bu-e-chaman se dar guzar

ye bhi hain khush numa fareb-e-dana-o-dam ke siwa

mar ke hayat-e-jawedan ishq ko mil gai hafiz

ji ke hawas ko kya mila marg-e-dawam ke siwa