ہر قدم پر ہم سمجھتے تھے کہ منزل آ گئی

ہر قدم پر ہم سمجھتے تھے کہ منزل آ گئی

ہر قدم پر اک نئی درپیش مشکل آ گئی

یا خلا پر حکمراں یا خاک کے اندر نہاں

زندگی ڈٹ کر عناصر کے مقابل آ گئی

بڑھ رہا ہے دم بدم صبح حقیقت کا یقیں

ہر نفس پر یہ گماں ہوتا ہے منزل آ گئی

ٹوٹتے جاتے ہیں رشتے جوڑتا جاتا ہوں میں

ایک مشکل کم ہوئی اور ایک مشکل آ گئی

حال دل ہے کوئی خواب آور فسانہ تو نہیں

نیند ابھی سے تم کو اے یاران محفل آ گئی

har qadam par ham samajhte the ke manzil a gai

har qadam par ik nai darpesh mushkil a gai

ya khala par hukmaran ya khak ke andar nihan

zindagi dat kar anasir ke muqabil a gai

barh raha hai dam badam subh-e-haqiqat ka yaqin

har nafas par ye guman hota hai manzil a gai

tutte jate hain rishte jorta jata hun main

ek mushkil kam hui aur ek mushkil a gai

hal-e-dil hai koi khwab awar fasana to nahin

nind abhi se tum ko ai yaran-e-mahfil a gai