غم آفاق ہے رسوا غم دلبر بن کے

غم آفاق ہے رسوا غم دلبر بن کے

تہمت عشق لگی ہم پہ سخن ور بن کے

وہ نہیں موت سہی موت نہیں نیند سہی

کوئی آ جائے شب غم کا مقدر بن کے

راہبر تم کو بنایا ہمیں معلوم نہ تھا

راہرو راہ بھٹک جاتے ہیں رہبر بن کے

اس زیاں خانے میں اک قطرے پہ کیا کیا گزری

کبھی آنسو کبھی شبنم کبھی گوہر بن کے

موت کی نیند کے ماتوں پہ نہ کیوں رشک آئے

جاگنا ہے انہیں ہنگامۂ محشر بن کے

یاد پھر آ گئیں بھولی ہوئی باتیں کیا کیا

پھر ملاقات ہوئی ایسے مقدر بن کے

آہ یہ عقدۂ غم بزم طرب میں بھی حفیظؔ

بارہا آنکھ چھلک جاتی ہے ساغر بن کے

gham afaq hai ruswa gham dilbar ban ke

tohmat-e-ishq lagi ham pe sukhan war ban ke

wo nahin maut sahi maut nahin nind sahi

koi a jae shab-e-gham ka muqaddar ban ke

rahbar tum ko banaya hamen maalum na tha

rahrau rah bhatak jate hain rahbar ban ke

is ziyan khane mein ik qatre pe kya kya guzri

kabhi ansu kabhi shabnam kabhi gauhar ban ke

maut ki nind ke maton pe na kyun rashk ae

jagna hai unhen hangama-e-mahshar ban ke

yad phir a gain bhuli hui baten kya kiya

phir mulaqat hui aise muqaddar ban ke

ah ye uqda-e-gham bazm-e-tarab mein bhi hafiz

barha ankh chhalak jati hai saghar ban ke