Arooz is now on the App Store, for iPhone and iPad. Download →

All poetry

روشنی سی کبھی کبھی دل میں

Hafeez Hoshiarpuri (1912–1973)

روشنی سی کبھی کبھی دل میں

منزل بے نشاں سے آتی ہے

لوٹ کر نور کی کرن جیسے

سفر لا مکاں سے آتی ہے

نوع انساں ہے گوش بر آواز

کیا خبر کس جہاں سے آتی ہے

اپنی فریاد بازگشت نہ ہو

اک صدا آسماں سے آتی ہے

تختۂ دار ہے کہ تختۂ گل

بوئے خوں گلستاں سے آتی ہے

دل سے آتی ہے بات لب پہ حفیظؔ

بات دل میں کہاں سے آتی ہے