آج انہیں کچھ اس طرح جی کھول کر دیکھا کئے

آج انہیں کچھ اس طرح جی کھول کر دیکھا کئے

ایک ہی لمحے میں جیسے عمر بھر دیکھا کئے

دل اگر بیتاب ہے دل کا مقدر ہے یہی

جس قدر تھی ہم کو توفیق نظر دیکھا کئے

خود فروشانہ ادا تھی میری صورت دیکھنا

اپنے ہی جلوے بہ انداز دگر دیکھا کئے

ناشناس غم فقط داد ہنر دیتے رہے

ہم متاع غم کو رسوائے ہنر دیکھا کئے

دیکھنے کا اب یہ عالم ہے کوئی ہو یا نہ ہو

ہم جدھر دیکھا کئے پہروں ادھر دیکھا کئے

حسن کو دیکھا ہے میں نے حسن کی خاطر حفیظؔ

ورنہ سب اپنا ہی معیار نظر دیکھا کئے

aj unhen kuchh is tarah ji khol kar dekha kiye

ek hi lamhe mein jaise umr bhar dekha kiye

dil agar betab hai dil ka muqaddar hai yahi

jis qadar thi ham ko taufiq-e-nazar dekha kiye

khud faroshana ada thi meri surat dekhna

apne hi jalwe ba andaz-e-digar dekha kiye

nashanas-e-gham faqat dad-e-hunar dete rahe

ham mata-e-gham ko ruswa-e-hunar dekha kiye

dekhne ka ab ye alam hai koi ho ya na ho

ham jidhar dekha kiye pahron idhar dekha kiye

husn ko dekha hai main ne husn ki khatir hafiz

warna sab apna hi meyar-e-nazar dekha kiye