Arooz is now on the App Store, for iPhone and iPad. Download →

Poet

Hafeez Merathi

1922–2000

Poems

Meter
  1. ābād raheñge vīrāne shādāb raheñgī zanjīreñjab tak dīvāne zinda haiñ phūleñgī phaleñgī zanjīreñ
  2. is dīvāne dil ko dekho kyā sheva apnā.e haius par hī vashvās kare hai jis se dhoka khā.e hai
  3. ai dil ḳhushī kā zikr bhī karne na de mujheġham kī bulandiyoñ se utarne na de mujhe
  4. bād-e-sabā ye zulm ḳhudārā na kījiyous be vafā se zikr hamārā na kījiyo
  5. baṛe adab se ġhurūr-e-sitamgarāñ bolājab inqilāb ke lahje meñ be zabāñ bolā
  6. bazm-e-takallufāt sajāne meñ rah gayāmaiñ zindagī ke nāz uṭhāne meñ rah gayā
  7. be sahāroñ kā intizām karoya.anī ik aur qatl-e-ām karo
  8. pī kar chain agar āyā bhī kitnī der ko ā.egānasha ik āvāra panchhī chahkegā uṛ jā.egā
  9. tamām rāt ānsūoñ se ġham ujāltā rahāmaiñ ġham ajāl ajāl kar ḳhushī meñ ḍhāltā rahā
  10. chāhe tan man sab jal jā.esoz-e-darūñ par ānch na ā.e
  11. sitam kī teġh ye kahtī hai sar na ūnchā karpukārtī hai bulandī ke zindagī hai idhar
  12. kaun kahtā hai ke mahrūmī kā shikva na karohāñ magar sāqī-e-mai ḳhāna ko rusvā na karo
  13. lahū se apne zamīñ lāla zār dekhte thebahār dekhne vāle bahār dekhte the
  14. ab khul ke kaho bāt to kuchh bāt banegīye daur ishārāt-o-kanāyāt nahīñ hai
  15. abhī se hosh uṛe maslahat parastoñ keabhī maiñ bazm meñ āyā abhī kahāñ bolā
  16. ik ajnabī ke hāth meñ de kar hamārā hāthlo sāth chhoṛne lagā āḳhir ye sāl bhī
  17. bad tar hai maut se bhī ġhulāmī kī zindagīmar jā.iyo magar ye gavārā na kījiyo
  18. rāt ko rāt kah diyā maiñ nesunte hī baukhlā ga.ī duniyā
  19. rasā hūñ yā na hūñ nāle ye nāloñ kā muqaddar haihafīz ānsū bahā kar jī to halkā kar liyā maiñ ne
  20. rang ānkhoñ ke liye bū hai dimāġhoñ ke liyephūl ko hāth lagāne kī zarūrat kyā hai
  21. shaiḳh qātil ko masīhā kah ga.emohtaram kī bāt ko jhuṭlā.eñ kyā
  22. sirf zabāñ kī naqqālī se bāt na ban pā.egī hafīzdil par kārī choṭ lage to mīr kā lahja ā.e hai
  23. kyā jāne kyā sabab hai ke jī chāhtā hai ājrote hī jā.eñ sāmne tum ko biṭhā ke ham
  24. mohabbat chīḳh bhī ḳhāmoshī bhī naġhma bhī na.ara bhīye ik mazmūn hai kitne hī unvānoñ se vābasta
  25. har sahārā be amal ke vāste bekār haiānkh hī khole na jab koī ujālā kyā kare
  26. ye bhī to sochiye kabhī tanhā.ī meñ zarāduniyā se ham ne kyā liyā duniyā ko kyā diyā