چاہے تن من سب جل جائے

چاہے تن من سب جل جائے

سوز دروں پر آنچ نہ آئے

شیشہ ٹوٹے غل مچ جائے

دل ٹوٹے آواز نہ آئے

بحر محبت توبہ! توبہ!

تیرا جائے نہ ڈوبا جائے

اے وائے مجبوریٔ انساں

کیا سوچے اور کیا ہو جائے

ہائے وہ نغمہ جس کا مغنی

گاتا جائے روتا جائے

عزت دولت آنی جانی

مل مل جائے چھن چھن جائے

جس کو کہنی دل کی کہانی

سر تا پا دھڑکن بن جائے

مے خانے کی سمت نہ دیکھو

جانے کون نظر آ جائے

کاش ہمارا فرض محبت

عیش محبت پر چھا جائے

chahe tan man sab jal jae

soz-e-darun par anch na ae

shisha tute ghul much jae

dil tute awaz na ae

bahr-e-mohabbat tauba! tauba!

tera jae na duba jae

ai wae majburi-e-insan

kya soche aur kya ho jae

hae wo naghma jis ka mughanni

gata jae rota jae

izzat daulat ani jani

mil mil jae chhin chhin jae

jis ko kahni dil ki kahani

sar ta pa dharkan ban jae

mai khane ki samt na dekho

jane kaun nazar a jae

kash hamara farz mohabbat

aish mohabbat par chha jae