کون کہتا ہے کہ محرومی کا شکوہ نہ کرو

کون کہتا ہے کہ محرومی کا شکوہ نہ کرو

ہاں مگر ساقئ مے خانہ کو رسوا نہ کرو

ذکر چھڑ جائے اگر قوم کی بد بختی کا

رہنماؤں کی طرف کوئی اشارہ نہ کرو

ذہن سنجیدہ مسائل سے ہٹانے کے لیے

روز یہ شیخ و برہمن کا تماشا نہ کرو

ایک بھی لفظ ہٹانے کی نہیں گنجائش

میرے پیغام محبت کا خلاصہ نہ کرو

یہ تعلق کی خراشیں بھی مزا دیتی ہیں

روٹھ جائے کوئی تم سے تو منایا نہ کرو

آج بھی میں نہیں انساں سے مایوس کہ جب

لوگ کہتے ہیں خدا پر بھی بھروسا نہ کرو

kaun kahta hai ke mahrumi ka shikwa na karo

han magar saqi-e-mai khana ko ruswa na karo

zikr chhir jae agar qaum ki bad bakhti ka

rahnumaon ki taraf koi ishara na karo

zehn-e-sanjida masail se hatane ke liye

roz ye shaikh-o-barahman ka tamasha na karo

ek bhi lafz hatane ki nahin gunjaish

mere paigham-e-mohabbat ka khulasa na karo

ye taalluq ki kharashen bhi maza deti hain

ruth jae koi tum se to manaya na karo

aj bhi main nahin insan se mayus ke jab

log kahte hain khuda par bhi bharosa na karo