Arooz is now on the App Store, for iPhone and iPad. Download →

All poetry

اس دیوانے دل کو دیکھو کیا شیوہ اپنائے ہے

Hafeez Merathi (1922–2000)

اس دیوانے دل کو دیکھو کیا شیوہ اپنائے ہے

اس پر ہی وشواس کرے ہے جس سے دھوکہ کھائے ہے

سارا کلیجہ کٹ کٹ کر جب اشکوں میں بہہ جائے ہے

تب کوئی فرہاد بنے ہے تب مجنوں کہلائے ہے

میں جو تڑپ کر روؤں ہوں تو ظالم یوں فرمائے ہے

اتنا گہرا گھاؤ کہاں ہے ناحق شور مچائے ہے

تم نے مجھ کو رنج دیا تو اس میں تمہارا دوش نہیں

پھول بھی کانٹا بن جائے ہے وقت برا جب آئے ہے