لا دینی و لاطینی، کس پیچ میں اُلجھا تُو

لا دینی و لاطینی، کس پیچ میں اُلجھا تُوarooz could not scan this line

داَرو ہے ضعیفوں کا ’لَاغَالِبَ اِلّاَ ھُوْ‘arooz could not scan this line

صیّادِ معانی کو یورپ سے ہے نومِیدی

دِلکش ہے فضا، لیکن بے نافہ تمام آہُو

بے اشکِ سحَر گاہی تقویمِ خودی مشکل

یہ لالۂ پیکانی خوشتر ہے کنارِ جُو

صیّاد ہے کافر کا، نخچیر ہے مومن کا

یہ دیرِ کُہن یعنی بُتخانۂ رنگ و بوُ

اے شیخ، امیروں کو مسجد سے نکلوا دے

ہے ان کی نمازوں سے محراب تُرش ابرو